Venu,Ravi Teja: ఇకపై గ్యాప్ ఇవ్వద్దు.. ఇరగొట్టేద్దాం.. రవితేజ కామెంట్స్ వైరల్?

July 25, 2022 / 04:34 PM ISTByFilmy Focus

Join Us

Venu,Ravi Teja: ఇకపై గ్యాప్ ఇవ్వద్దు.. ఇరగొట్టేద్దాం.. రవితేజ కామెంట్స్ వైరల్?

రవితేజ హీరోగా శరత్ మండవ దర్శకత్వంలో తెరకెక్కిన చిత్రం రామారావు ఆన్ డ్యూటీ. ఈ సినిమా ఈనెల 29వ తేదీ ప్రేక్షకుల ముందుకు రాబోతోంది. ఈ క్రమంలోనే పెద్ద ఎత్తున సినిమా ప్రమోషన్ కార్యక్రమాలలో చిత్ర బృందం బిజీ అవుతున్నారు. ఇకపోతే ఈ సినిమా విడుదల తేదీ దగ్గర పడటంతో చిత్ర బృందం ప్రీ రిలీజ్ వేడుకను ఎంతో ఘనంగా నిర్వహించారు. ఈ ఫ్రీ రిలీజ్ వేడుకలో భాగంగా చిత్ర బృందం అలాగే డైరెక్టర్ బాబి,నాని వంటి తదితరులు ఈ కార్యక్రమానికి హాజరయ్యారు.

ఇకపోతే ఈ కార్యక్రమంలో భాగంగా రవితేజ మాట్లాడుతూ చిత్ర బృందం పై ప్రశంసలు కురిపించారు.డైరెక్టర్ శరత్ ఇప్పటివరకు తనని చూపించిన విధంగా సరికొత్తగా ఈ సినిమాలో తన పాత్రను చూపించబోతున్నారని అలాగే, టెక్నీషియన్ల గురించి రవితేజ ప్రశంసల కురిపించారు. ఇక ఈ కార్యక్రమంలో హీరో తొట్టెంపూడి వేణు సైతం స్పెషల్ అట్రాక్షన్ గా నిలిచారు. చాలా సంవత్సరాల తర్వాత తొట్టెంపూడి వేణు ఈ సినిమాతో రీఎంట్రీ ఇవ్వబోతున్నారు. ఇందులో ఈయన పవర్ ఫుల్ పోలీస్ ఆఫీసర్ పాత్రలో కనిపించనున్నారు.

ఇలా చాలా సంవత్సరాలు తర్వాత వేణు రీ ఎంట్రీ ఇవ్వడంతో ఈయన ఈ కార్యక్రమంలో స్పెషల్ అట్రాక్షన్ అయ్యారు. ఇకపోతే వేణు గురించి కూడా రవితేజ పలు ఆసక్తికరమైన విషయాలను తెలియచేశారు. ఈ సందర్భంగా రవితేజ మాట్లాడుతూ వేణు నటించిన స్వయంవరం సినిమాలోనే తామిద్దరూ కలిసి నటించాల్సి ఉంది. అయితే కొన్ని కారణాలవల్ల ఆ సినిమాలో కలిసిన నటించలేకపోయాము.

కానీ మా ఇద్దరి కాంబినేషన్లో సినిమా రావడానికి ఈ సమయం పట్టింది అంటూ రవితేజ తెలిపారు. ఇకపై ఇలాంటి గ్యాప్ వద్దు ఇరగ్గొట్టేద్దాం అంటూ రవితేజ వేణు గురించి చేసిన ఈ కామెంట్స్ ప్రస్తుతం వైరల్ అవుతున్నాయి.ఇక ఈ సినిమా 29వ తేదీ ప్రేక్షకుల ముందుకు రావడంతో పెద్ద ఎత్తున సినిమాపై అంచనాలు పెరిగాయి మరి ఈ సినిమాతో రవితేజ ఎలాంటి హిట్ అందుకోనున్నారో తెలియాల్సి ఉంది.