మాస్ మహారాజ్ రవితేజ చిన్నప్పటి నుంచి బాలీవుడ్ చిత్రాలు చూస్తూ పెరిగారు. అందుకే అతనికి బిగ్ బీ అమితాబ్ బచ్చన్ అంటే చాలా ఇష్టం. తెలుగులో స్టార్ హీరోగా ఎదిగినప్పటికీ హిందీ సినిమాలు చూసే అలవాటు వదులుకోలేదు. ఈ నెల 19న బాలీవుడ్ మిస్టర్ ఫర్ ఫెక్ట్ ఆమీర్ ఖాన్ “సీక్రెట్ సూపర్ స్టార్” మూవీ రిలీజ్ అయింది. ఈ సినిమా అందరినీ ఆకట్టుకుంటోంది. తాజాగా ఈ చిత్ర్రాన్ని చూసిన రవితేజ తన అభిప్రాయాన్ని ట్విట్టర్ ద్వారా అభిమానులతో పంచుకొన్నారు. “సీక్రెట్ సూపర్ స్టార్” సినిమా చూశా. నిజాయతీతో కూడిన గొప్ప సినిమా ఇది. అందరికీ నచ్చుతుంది. దర్శకుడు అద్వైత్ చందన్ సినిమాని ఎంతో చక్కగా తీశారు.
టాలెంట్, శ్రమ ఉంటే ఇలాంటి ప్రయత్నాల్ని ప్రపంచం కచ్చితంగా గుర్తిస్తుంది” అని రవితేజ “సీక్రెట్ సూపర్ స్టార్” టీమ్ ని అభినందనలతో ముంచెత్తారు. ప్రస్తుతం రవితేజ “రాజా ది గ్రేట్” మూవీ అందించిన విజయాన్ని ఆస్వాదిస్తున్నారు. అలాగే విక్రమ్ సిరికొండ దర్శకత్వంలో తెరకెక్కుతోన్న టచ్ చేసి చూడు సినిమాని కంప్లీట్ చేసే పనిలో ఉన్నారు.
