మహేష్ అందగాడు, పవన్ పవర్ ఫుల్, ఎన్టీఆర్ మంచి నటుడు

తనకు సినిమా ఇండస్ట్రీలో శత్రువులే లేరని మాస్ మహారాజ్ రవితేజ చెప్పారు. సోషల్ మీడియా వేదికపై నిన్న అభిమానులతో ముచ్చటించారు. ఫ్యాన్స్ అడిగిన ప్రశ్నలకు ఓపిగ్గా సమాధానం ఇచ్చారు. అందులో భాగంగా స్టార్ హీరోలైన మహేష్ బాబు, పవన్ కళ్యాణ్, ఎన్టీఆర్ గురించి ఒక్క ముక్కలో చెప్పమని ఫాలోవర్స్ కోరగా.. “మహేష్ బాబు చాలా అందగాడు, పవన్ కళ్యాణ్ మోస్ట్ పవర్ ఫుల్, ఎన్టీఆర్ మంచి నటుడు”  అని  తన అభిప్రాయాన్ని బయటపెట్టారు. ఇంకా తనని అల్లుఅర్జున్ రవి అన్న అని పిలుస్తాడని వివరించారు. ప్రభాస్ గురించి అయితే ఎక్కువగానే చెప్పారు.

“చూడ్డానికి ప్రభాస్ రెబల్ గా కనిపిస్తాడు. కానీ అతను సాఫ్ట్. మంచి వ్యక్తి” అంటూ డార్లింగ్ పై అభిమానం చూపించారు. ఇంకా సినిమాల గురించి అడిగిన ప్రశ్నలకు సమాధానమిస్తూ.. త్వరలోనే పూరీ జగన్నాధ్ తో సినిమా చేస్తానన్నారు. మల్టీస్టారర్ సినిమాలలో నటించడానికి తాను సిద్ధమేనని వివరించారు. మెగాఫోన్ తప్పకుండా పెట్టుకుంటానని, అయితే ఎప్పుడో అనేది ఇప్పుడే చెప్పలేనని తెలిపారు.

Also, do SUBSCRIBE to our YouTube channel to get latest Tollywood updates.