హరీష్-రవితేజ మరోసారి..?

దర్శకుడు కావాలనుకున్న ఆశతో హరీష్ శంకర్ చేసిన తొలి ప్రయత్నం ‘షాక్’. అప్పుడప్పుడే విజయాలతో దూసుకెళుతున్న రవితేజ ఇచ్చిన అవకాశం వృథా అయ్యింది. అక్కడికి అయిదేళ్ల తర్వాత హరీష్ కసితో తీసిన సినిమా ‘మిరపకాయ్’. రవితేజ కెరీర్ లో సూపర్ హిట్ అని చెప్పుకోదగ్గ సినిమాల్లో ఇదొకటి. ఇదిలా ఉంటే ఈ సినిమాకి ఇప్పుడు సీక్వెల్ రానుందని ఫిలింనగర్ టాక్. మిరపకాయ్ తర్వాత రవితేజ -హరీష్ సినిమా కోసం కలిసింది లేదు. అయితే ఈ సినిమా నిర్మాత రమేష్ పుప్పాల ఎప్పటినుండో ‘మిరపకాయ్’ సీక్వెల్ కోసం ప్రయత్నిస్తున్నారట.

ప్రస్తుతం అల్లు అర్జున్ తో ‘దువ్వాడ జగన్నాధం’ సినిమా చేస్తోన్న హరీష్ శంకర్ తర్వాత ‘మిరపకాయ్’ సీక్వెల్ చేయనున్నాడట. ఈ మేరకు నిర్మాత – దర్శకుడి మధ్య ఇటీవల చర్చలు జరిగాయట. మిరపకాయ్ లో రవితేజని ఖాకీలో చూపించిన కమర్షియల్ హిట్ కొట్టిన హరీష్ వెంటనే ‘గబ్బర్ సింగ్’లో పోలీస్ పాత్రలో పవన్ ని శక్తిమంతంగా చూపించాడు. దాంతో పోలీస్ డ్రామా హరీష్ కి కలిసొచ్చిందన్న సెంటిమెంట్ వుంది. తర్వాత హరీష్ ఓ పరాజయాన్ని చూసిన మళ్ళీ హిట్ ట్రాక్ ఎక్కేశాడు. ఇటు రవితేజకు ‘మిరపకాయ్’ తర్వాత నేటి వరకు మరో నిఖార్సయిన విజయం లేదు. సీక్వెల్ తోనైనా ఓ సాలిడ్ హిట్ కొడతాడేమో చూడాలి.