రవితేజ కథ మారిందా ?

మాస్ మహారాజ్ రవితేజ బెంగాల్ టైగర్ గా గత ఏడాది పలకరించాడు. అప్పటి నుంచి ఇప్పటివరకు అతనిది ఏ సినిమా సెట్స్ మీదకు పోలేదు. దిల్ రాజు నిర్మాతగా, “ఓ మై ఫ్రెండ్” తీసిన వేణు శ్రీరామ్ దర్శకత్వంలో రవితేజ “ఎవడో ఒకడు” సినిమా 2015 అక్టోబర్ లో పూజా కార్యక్రమాలు పూర్తి చేసుకుంది. అయినా సెట్స్ మీదకు వెళ్లలేక పోయింది. తర్వాత కొత్త దర్శకుడు చక్రికి అవకాశమిచ్చాడు. వీరిద్దరి కాంబినేషన్లో “రాబిన్ హుడ్” అనే మూవీ రానుందని, ఇందుకోసం రవితేజ పది కిలోల బరువు పెరిగినట్లు వార్తలు వెలువడ్డాయి. ఈ చిత్ర షూటింగ్ జూన్ నుంచి మొదలు కావాలి… కానీ ఈ సినిమా గురించి ఏ డెవలప్ మెంట్ వెలువడలేదు

.
తాజాగా ఫిలింనగర్లో చక్కర్లు కొడుతున్న సమాచారం ప్రకారం.. రవితేజ మణిదన్ అనే తమిళ సినిమా రీమేక్ లో నటించనున్నట్లు తెలిసింది. ఈ సినిమాలో సీనియర్ లాయర్ తో పోరాడే జూనియర్ లాయర్ పాత్రపై ఆసక్తిగా ఉన్నాడని, అంతేకాక ఇదివరకు కనిపించని లుక్ కాబట్టి ఈ సినిమా చేయడానికి అంగీకారం తెలిపినట్లు వార్త వినిపిస్తోంది. ఈ సినిమాను తెలుగు ప్రేక్షకులకు నచ్చే విధంగా మార్చే పనిలో దర్శకుడు చక్రి పడ్డారు. రవితేజ కొత్త సినిమాకు డైరక్టర్, టీంలో మార్పు లేదు, కథ ఒక్కటే మారిందన్నమాట.