Ravi Teja: ఎస్‌.జె.సూర్యకు ఆ హిట్‌ క్యారెక్టర్‌ వదులుకున్నాడట!

ఎస్‌.జె.సూర్య ఎంతటి డిఫరెంట్‌ దర్శకుడో మనందరికీ తెలుసు. ఆయన చేసిన ఒక్కో సినిమా, ఒక్కో జోనర్‌లో ఉటుంది. అలాగే ప్రతి సినిమాలోనూ తనదైన ముద్ర ఉంటుంది. నిజానికి ఆయన వెర్సటైల్‌ దర్శకుడే కాదు, వైవిధ్యమైన నటుడు కూడా. హీరోయిజం, కామెడీ, విలనిజం… ఇలా అన్నింటా తనదైన మార్క్‌ వేస్తున్నాడు. ఇటీవల అలానే ‘లూప్’ (తమిళంలో ‘మానాడు’లో కూడా అదరగొట్టాడు. డీసీపీ ధనుష్‌కోడిగా అలరించాడు.‘లూప్‌’లో శింబు పర్‌ఫార్మెన్స్‌కు మంచి పేరు వచ్చింది.

అలాగే ఎస్‌.జె.సూర్య పాత్ర కూడా బాగా పండింది. సినిమా పోస్టర్‌లో ఇద్దరి ఫొటోలు సమానంగా వేశారు అంటే… ఆ పాత్ర ఇంపార్టెన్స్‌ అర్థం చేసుకోవచ్చు. అందుకు తగ్గట్టే ఎస్‌.జె.సూర్య కూడా అలరించాడు. అయితే ఇంతటి ముఖ్యమైన పాత్రను రవితేజ వదులుకున్నాడంటే నమ్మగలరా? కానీ ఇది జరిగింది. ఆ పాత్ర రవితేజ కాదంటేనే సూర్య వద్దకు వెళ్లిందట. సినిమా గురించి దర్శకుడు వెంకట్‌ ప్రభు మాట్లాడుతూ ఈ విషయం చెప్పుకొచ్చాడు.

సినిమాలో ధనుష్‌కోడి పాత్ర కోసం రవితేజతో చర్చలు జరిగాయని, అయితే ఆ సమయంలో రవితేజ వరుస సినిమాలతో బిజీగా ఉన్నాడట. దీంతో డేట్స్‌ సర్దుబాటు కాక అవకాశాన్ని వద్దనుకున్నాడు. దీంతో ఆ స్థానంలోకి ఎస్‌.జె.సూర్యను తీసుకున్నారు. ఒకవేళ ఈ సినిమాను తెలుగులో రీమేక్‌ చేస్తే… తాను నటించడానికి ఓకే అని రవితేజ అన్నారని సమాచారం.

అఖండ సినిమా రివ్యూ & రేటింగ్!

Most Recommended Video

‘అఖండ’ మూవీ నుండీ గూజ్ బంప్స్ తెప్పించే 15 డైలాగ్స్..!
సిరివెన్నెల సీతారామశాస్త్రి గారి గురించి మనకు తెలియని విషయాలు..!
22 ఏళ్ళ రవితేజ ‘నీకోసం’ గురించి ఆసక్తికరమైన విషయాలు…!