సోగ్గాడే చిన్ని నాయన, రారండోయ్ వేడుక చూద్దాం విజయాల తర్వాత కళ్యాణ్ కృష్ణ చేస్తున్న సినిమా నేల టికెట్. పేరులోనే మాస్ ని నింపుకున్న ఈ సినిమా పూర్తిగా మాస్ ప్రేక్షకులను ఎంటర్టైన్ చేయడానికి సిద్ధమవుతోంది. దాదాపు షూటింగ్ పూర్తి చేసుకున్న ఈ సినిమా వచ్చేనెల 24న రిలీజ్ కానుంది. ఈ సినిమా ఫస్ట్ లుక్ తో పాటు… హీరోయిన్ తో కలిసి ఉన్న స్టిల్ కూడా రిలీజ్ చేశారు. తాజాగా ఇందులో రవితేజ రోల్ ఏమిటో బయటికి వచ్చింది. మెగాస్టార్ చిరంజీవి శంకర్ దాదా సినిమా నుంచి పుట్టుకొచ్చిందే కథ. శంకర్ దాదా కొడుకు కూడా ఎంబీబీఎస్ చదవకపోయినా డాక్టర్ అంటూ చెప్పుకుంటూ తిరిగేస్తుంటాడు. నకిలీ డాక్టర్ అనేది పేరుకు మాత్రమే. మనిషి మాత్రం మంచోడు. ఓ ఊరిలో నకిలీ డాక్టర్ గా ఉన్న రవితేజ చుట్టూ అల్లుకున్న సినిమా ఇది.
సినిమా సెటప్ మొత్తం విలేజ్ బ్యాక్ డ్రాప్ లో నడుస్తుంది. ఫుల్ గా నవ్వించనున్నారు. అందుకే మొదట కథకి సన్నాఫ్ శంకర్ దాదా అనే పేరుని కూడా అనుకున్నారు. కానీ అంచనాలు మారిపోతాయని టైటిల్ నేల టికెట్ గా మారింది. ఈ మూవీలో జగపతి బాబు రాజకీయనాయకుడి పాత్రలో కనిపించబోతున్నారు. ఫిదా ఫేం శక్తికాంత్ ఈ సినిమాకు సంగీతం అందిస్తున్నారు. ఎస్‌ఆర్‌టీ మూవీస్‌ పతాకంపై రామ్ తాళ్లూరి ఈ సినిమాని నిర్మిస్తున్నారు. రవితేజ ఈ సినిమా తర్వాత శ్రీను వైట్ల దర్శకత్వంలో నటించనున్నారు. “అమర్ అక్బర్ ఆంటోనీ” కోసం అమెరికాకు వెళ్లనున్నారు.
Home