మాస్ మహారాజ్ తో తలబడనున్న మాధవన్!

మాస్ మహా రాజ్ రవితేజ కి 2018 వ సంత్సరం నిరాశనే మిగిల్చిందని చెప్పాలి. ఈ సంవత్సరం వచ్చిన రవితేజ సినిమాలు ‘టచ్ చేసి చూడు’ ‘నేల టికెట్’ ‘అమర్ అక్బర్ ఆంటోనీ’ చిత్రాలు డిజాస్టర్లుగా మిగిలాయి.కెరీర్లో ఎన్నడూ లేని విధంగా రవితేజకి హ్యాట్రిక్ డిజాస్టర్లు పడ్డాయి. రవితేజ ప్రస్తుతం మంచి హిట్టివ్వడానికి చాల ప్రయత్నాలు చేస్తున్నాడు. అందులో భాగంగా దర్శకుడు వీఐ ఆనంద్ చెప్పిన కథను ఓకే చేసాడు. సైన్స్ ఫిక్షన్ థ్రిల్లర్ గా రోపొందబోతోన్న ఈ చిత్రం జనవరి నుండీ సెట్స్ పైకి వెళ్లనుంది.

రామ్ తాళ్లూరి నిర్మాణం లో తెరకెక్కుతున్న ఈ చిత్రంలో పాయల్ రాజ్ రాజ్ పుత్ ను హీరోయిన్ గా అనుకుంటున్నారట. తాజా సమాచారం ప్రకారం ఈ చిత్రంలో మాధవన్ ను ఎంచుకోబోతున్నట్టు సమాచారం. ఇటీవల దర్శకుడు వీఐ ఆనంద్ కథ వినిపించగా మాధవన్ కు నచ్చడంతో వెంటనే ఓకే చెప్పినట్టు ఫిలింనగర్ విశ్లేషకుల సమాచారం. కోలీవుడ్ తో పాటు టాలీవుడ్ లో కూడా మాధవన్ కి మంచి ఫాలోయింగ్ ఉన్న సంగతి తెలిసిందే. ఇటీవల వచ్చిన నాగ చైతన్య ‘సవ్యసాచి’ లో కూడా విలన్ గా చేసిన సంగతి తెలిసిందే. ‘సవ్యసాచి’ ప్లాప్ గా మిగిలినప్పటికీ మాధవన్ పెర్ఫార్మన్స్ కు మంచి మార్కులే పడ్డాయి.