నెట్ లో హల్ చల్ చేస్తున్న ‘టచ్ చేసి చూడు’ షూటింగ్ వీడియో

బెంగాల్ టైగర్ తర్వాత ఏడాది గ్యాప్ తీసుకుని మాస్ మహారాజా రవితేజ చేస్తున్న చిత్రం  “టచ్ చేసి చూడు”. నూతన దర్శకుడు విక్రమ్ సిరికొండ దర్శకత్వంలో తెరకెక్కుతోన్న ఈ సినిమా షూటింగ్ వేగంగా జరుగుతోంది. బేబీ భవ్య సమర్పణలో లక్ష్మీ నరసింహ ప్రొడక్షన్స్ పతాకంపై నల్లమలుపు శ్రీనివాస్ (బుజ్జి), వల్లభనేని వంశీ నిర్మిస్తున్న ఈ మూవీకి సంభందించిన షూటింగ్ వీడియో ఈ రోజు లీకయింది. ఈ వీడియోలో రవితేజ లుక్ అదిరిపోతోంది. మరో సారి పోలీస్ ఆఫీసర్ పాత్రలో మాస్ మహారాజ్ యాక్షన్ విందు అందించనున్నాడని అభిమానులు సంబరపడుతున్నారు.

ఢిల్లీ భామ రాశీ ఖన్నా, కర్లీ హెయిర్ భామ సీరత్ కపూర్ ఇందులో రవితేజతో రొమాన్స్ చేయనున్నారు. అయితే ప్రస్తుతం లీకైన వీడియోలో వీరిద్దరూ కాకుండా వేరే నటి ఉండడం ఆసక్తిని రేకెత్తిస్తోంది. ఆమె ఎవరో తెలుసుకోవాలని ఈ వీడియోని మళ్లీ మళ్లీ చూస్తున్నారు. ధూమ్, బర్ఫీ, జబ్ వుయ్ మెట్, ఒన్స్ అపానే టైం ఇన్ ముంబై, దిల్వాలే,  దంగల్, యే దిల్ హై ముష్కిల్ వంటి సూపర్ హిట్ చిత్రాలకు మ్యూజిక్ ఇచ్చిన బాలీవుడ్ మ్యూజిక్ డైరక్టర్ ప్రీతమ్ సంగీతమందిస్తున్న ఈ సినిమాపై భారీ అంచనాలున్నాయి.

Also, do SUBSCRIBE to our YouTube channel to get latest Tollywood updates.