ఇండస్ట్రీలో ఉన్న చాలా మంది హీరోలు సొంతంగా నిర్మాణ సంస్థలు మొదలుపెట్టారు. రామ్ చరణ్, మహేష్ బాబు లాంటి స్టార్ హీరోలే కాకుండా.. విజయ్ దేవరకొండ, నాని లాంటి యంగ్ హీరోలు సైతం సొంత బ్యానర్ల మీద సినిమాలు తీసేస్తున్నారు. మహేష్ బాబు తను వర్క్ చేసే ప్రతి సినిమాకి జీఎంబి ఎంటర్టైన్మెంట్స్ బ్యానర్ ను జోడిస్తున్నారు. ఆ విధంగా చేయడం వలన సినిమాలో కొంత భాగాన్ని రెమ్యునరేషన్ గా.. మరికొంత లాభాల్లో వాటా రూపంలో తీసుకుంటున్నారు.
ఇప్పుడు మహేష్ ని చూసి చాలా మంది హీరోలు అతడి రూట్ లోనే నడుస్తున్నారు. ఈ లిస్ట్ లో రవితేజ కూడా చేరిపోయారట. శరత్ మండవ దర్శకత్వం వహిస్తోన్న ఓ సినిమాలో రవితేజ హీరోగా నటిస్తోన్న సంగతి తెలిసిందే ఈరోజు (జూలై 1) నుండే సినిమా రెగ్యులర్ షూటింగ్ మొదలైంది. ఈ సినిమాకి సుధాకర్ చెరుకూరి నిర్మాతగా వ్యవహరిస్తున్నారు. గతంలో ఈయన ‘పడి పడి లేచే మనసు’, ‘విరాటపర్వం’ లాంటి సినిమాలను నిర్మించారు. ఇక ఇప్పుడు రవితేజ కూడా ఈ సినిమాకి కో ప్రొడ్యూసర్ గా తన బ్యానర్ పేరు వేసుకుంటున్నారని తెలుస్తోంది.
ఇటీవలే రవితేజ తన నిర్మాణ కంపెనీను మొదలుపెట్టారు. ఇంకా పేరు పెట్టని ఈ బ్యానర్ ను తన సినిమాలో ఇన్వాల్వ్ చేయబోతున్నారు. ప్రస్తుతం రవితేజ ‘ఖిలాడి’ అనే సినిమాలో నటిస్తున్నారు. రమేష్ వర్మ డైరెక్ట్ చేస్తోన్న ఈ సినిమా ప్రస్తుతం షూటింగ్ దశలో ఉంది. త్వరలోనే ఈ సినిమాను ప్రేక్షకుల ముందుకు తీసుకురానున్నారు. అలానే త్రినాధరావు నక్కిన డైరెక్షన్ లో రవితేజ మరో సినిమా చేయబోతున్నారు.
Most Recommended Video
విజయేంద్ర ప్రసాద్ గారి గురించి 10 ఆసక్తికరమైన విషయాలు..!
ఈ 10 స్పీచ్ లు వింటే ఈ స్టార్లకు ఫ్యాన్స్ అయిపోతారు అంతే..!
నయన్, అవికా టు అలియా.. డేటింగ్ కి ఓకే పెళ్ళికి నొ అంటున్న భామలు..!
