Ravi Teja: ఆ సూపర్ హిట్ రీమేక్ తో బాలీవుడ్ ఎంట్రీ ఇవ్వబోతున్న రవితేజ.!

ఈ మధ్య కాలంలో బాలీవుడ్ దర్శక నిర్మాతలు కూడా టాలీవుడ్ హీరోలతో సినిమాలు చేయడానికి ముందుకొస్తున్నారు. నిన్ననే ‘వార్2’ ప్రాజెక్టు గురించి పరోక్షంగా ప్రకటన వచ్చింది. ‘బ్రహ్మాస్త్ర’ దర్శకుడు అయాన్ ముఖర్జీ దర్శకత్వంలో రూపొందనున్న ఈ చిత్రంలో హృతిక్ రోషన్, ఎన్టీఆర్ లు హీరోలుగా నటిస్తారంటూ బాలీవుడ్ సినీ క్రిటిక్ తరణ్ ఆదర్శ్ ట్వీట్ వేశారు. ఇక మన వెంకటేష్ ఆల్రెడీ ‘రానా నాయుడు’ వెబ్ సిరీస్ తో బాలీవుడ్ ప్రేక్షకులను అలరిస్తున్నారు.

అలాగే సల్మాన్ ఖాన్ హీరోగా నటిస్తున్న ‘కిసి క భాయ్.. కిసి క జాన్’ అనే చిత్రంలో కూడా కీలక పాత్ర పోషిస్తున్నారు. ఇక నాగార్జున ఆల్రెడీ బ్రహ్మాస్త్ర లో నటించారు. చైతన్య కూడా ‘లాల్ సింగ్ చడ్డా’ సినిమాలో నటించారు. త్వరలో రవితేజ కూడా బాలీవుడ్ ఎంట్రీ ఇవ్వబోతున్నట్టు సమాచారం. వివరాల్లోకి వెళితే..మాస్ మహారాజా రవితేజ  , బాలీవుడ్ స్టార్ హీరో వరుణ్ ధావన్ హీరోలుగా ఓ సినిమా రూపొందించడానికి సన్నాహాలు జరుగుతున్నాయి.

శింబు హీరోగా వెంకట్ ప్రభు దర్శకత్వంలో తెరకెక్కిన తమిళ సూపర్ హిట్ ‘మానాడు’కు ఇది రీమేక్ అని సమాచారం. ప్రవీణ్ సత్తారు ఈ చిత్రానికి దర్శకత్వం వహిస్తుండగా.. ‘మానాడు’ లో ఎస్.జె. సూర్య పోషించిన పాత్రను  రవితేజ, శింబు చేసిన పాత్రను వరుణ్ ధావన్ చేయబోతున్నట్టు టాక్ నడుస్తుంది. రానా, ఏషియన్ సునీల్ కలిసి ఈ చిత్రాన్ని నిర్మించబోతున్నారు. ఈ ప్రాజెక్టు గురించి మరిన్ని వివరాలు త్వరలో వెల్లడించనున్నారు మేకర్స్.

హీలీవుడ్‌లో నటించిన 15 మంది ఇండియన్ యాక్టర్స్ వీళ్లే..!
టాలీవుడ్‌లో గుర్తింపు తెచ్చుకున్న 10 మంది కోలీవుడ్ డైరెక్టర్స్ వీళ్లే..!

తు..తు…ఇలా చూడలేకపోతున్నాం అంటూ…బాడీ షేమింగ్ ఎదురుకున్న హీరోయిన్లు వీళ్ళే
నాగ శౌర్య నటించిన గత 10 సినిమాల బాక్సాఫీస్ పెర్ఫార్మన్స్ ఎలా ఉందంటే?