సంక్రాంతి ఫైట్ కు సిద్దమైన రామ్, రవితేజ

December 21, 2020 / 06:57 PM IST

Join Us

మొత్తానికి థియేటర్స్ అయితే తెరుచుకున్నాయి. కరోనా ఉన్నప్పటికీ జనాల్లో భయం మాత్రం మాయమయ్యింది. ఇక గతంలో మాదిరిగా వాళ్ళు థియేటర్స్ వరకు వస్తారా లేదా అనేది మరికొన్ని రోజుల్లో తేలిపోనుంది. ముందుగా సోలో బ్రతుకే సో బెటర్ క్రిస్టమస్ కు అదృష్టాన్ని పరీక్షించుకోనుంది. ఇక ఆ తరువాత సంక్రాంతికి అసలైన ఫైట్ స్టార్ట్ కానుంది. మాస్ మహారాజా రవితేజ, రామ్ ఇద్దరు కూడా సంక్రాంతికి బాక్సాఫీస్ వద్ద పెద్ద యుద్ధమే చేయబోతున్నారు.

రామ్ నటించిన రెడ్ సినిమా సంక్రాంతికి విడుదల కానున్నట్లు క్లారిటీ అయితే ఇచ్చేశారు. ఇక క్రాక్ సినిమా కూడా జనవరి 14న రానున్నట్లు ప్రచారాలు కూడా మొదలెట్టేశారు. ఈ రెండు సినిమాలపై కూడా అంచనాలు అయితే భారీగానే ఉన్నాయి. ఇద్దరు హీరోలు కూడా సెంటిమెంట్ దర్శకులతో వర్క్ చేయబోతున్నారు. వారి కాంబోలో వస్తున్న మూడవ సినిమా కావడం విశేషం. క్రాక్ దర్శకుడు గోపిచంద్. మలినేని ఇదివరకే మాస్ రాజాతో డాన్ శీను, బలుపు సినిమాలకు దర్శకత్వం వహించాడు.

ఇక రెడ్ దర్శకుడు కిషోర్ తిరుమల ఇదివరకే రామ్ తో నేను శైలజా, ఉన్నది ఒక్కటే జిందగీ సినిమాలు చేశాడు. ఇక మూడో సారి వస్తున్న ఈ కాంబినేషన్స్ సంక్రాంతి ఫైట్ కు సిద్ధమయ్యాయి. మరి ఎవరు అత్యదిక వసూళ్లు అందుకుంటారో చూడాలి.