Ravi Teja: కొత్త సినిమా కోసం రవితేజ వృద్ధుడి గెటప్!

September 26, 2022 / 11:30 PM ISTByFilmy Focus

Join Us

Ravi Teja: కొత్త సినిమా కోసం రవితేజ వృద్ధుడి గెటప్!

టాలీవుడ్ మాస్ మహారాజా రవితేజ ప్రస్తుతం చాలా సినిమాలను లైన్ లో పెడుతున్నారు. ఇటీవల ‘రామారావు ఆన్ డ్యూటీ’ సినిమాతో ప్రేక్షకుల ముందుకొచ్చిన రవితేజ ఇప్పుడు ‘ధమాకా’ సినిమాతో అలరించడానికి రెడీ అవుతున్నారు. త్రినాథరావు నక్కిన డైరెక్ట్ చేసిన ఈ సినిమాలో శ్రీలీల హీరోయిన్ గా కనిపించనుంది. ఇప్పటికే ఈ సినిమా నుంచి చిన్న టీజర్, సాంగ్ ని రిలీజ్ చేశారు. దీంతో పాటు ‘టైగర్ నాగేశ్వరరావు’ అనే సినిమాలో నటిస్తున్నారు నాగార్జున.

అలానే ‘రావణాసుర’ సినిమా లైన్ లో ఉంది. మెగాస్టార్ చిరంజీవి నటిస్తోన్న ‘వాల్తేర్ వీర్రాజు’ సినిమాలో కీలకపాత్ర పోషిస్తున్నారు రవితేజ. ఈ సినిమాలతో పాటు కార్తిక్ ఘట్టమనేని దర్శకత్వంలో మరో సినిమా ఒప్పుకున్నారు రవితేజ. దీన్ని పీపుల్ మీడియా ఫ్యాక్టరీ సంస్థ నిర్మించనుంది. ఈ సినిమాలో రవితేజ సరికొత్త పాత్రలో కనిపించనున్నారు. ఇప్పటివరకు ఆయన టచ్ చేయని పాత్రని చేయబోతున్నారు. కథ ప్రకారం.. రవితేజ డ్యూయల్ రోల్ లో కనిపించనున్నారు.

అందులో ఒకటి వృద్ధుడి పాత్ర అని తెలుస్తోంది. ఈ రోల్ ప్రేక్షకులకు షాకింగ్ గా ఉంటుందని చెబుతున్నారు. ఈ గెటప్ లో రవితేజ ఎంతవరకు ఆకట్టుకుంటారో చూడాలి. ఈ పాత్రతో పాటు యంగ్ రవితేజ రోల్ ఒకటి ఉంటుంది. ఆ పాత్ర సరసన అనుపమ పరమేశ్వరన్ హీరోయిన్ గా కనిపించనుంది. త్వరలోనే ఈ సినిమా రెగ్యులర్ షూటింగ్ మొదలుకానుంది.

ప్రస్తుతం టాలీవుడ్ లో ఉన్న హీరోల్లో రవితేజ అంత బిజీగా మరో హీరో లేరేమో.. అన్ని సినిమాలను లైన్ లో పెట్టారాయన. మరి ఈ సినిమాలకు ఎలాంటి రెస్పాన్స్ వస్తుందో చూడాలి!