రాజా ది గ్రేట్ లో డిఫెరెంట్ లుక్ తో కనిపించనున్న రవితేజ

మాస్ మహారాజ్ రవితేజ 2016లో ఏ సినిమా చేయలేదు. ఈ ఏడాది అతని నుంచి రెండు సినిమాలు రాబోతున్నాయి. నూతన దర్శకుడు విక్రమ్ సిరికొండ తో “టచ్ చేసి చూడు” సినిమా చేస్తున్నారు. లక్ష్మీ నరసింహ ప్రొడక్షన్స్ పతాకంపై నల్లమలుపు శ్రీనివాస్ (బుజ్జి), వల్లభనేని వంశీ నిర్మిస్తున్న ఈ మూవీ వేగంగా షూటింగ్ జరుపుకుంటోంది. దీని తర్వాత సినిమాకు కూడా రవితేజ ఎప్పుడో గ్రీన్ సిగ్నల్ ఇచ్చారు. పటాస్’, ‘సుప్రీమ్’ విజయాలతో దర్శకుడిగా నిరూపించుకున్న అనిల్ రావిపూడి తో సినిమా చేయనున్నారు. ఇందులో రవితేజ క్యారెక్టర్ భిన్నంగా ఉంటుంది.

అంధుడిగా నటిస్తున్నప్పటికీ సినిమా ఆద్యంతం నవ్వులు పూయిస్తుందని సమాచారం. దిల్ రాజు నిర్మిస్తున్న ఈ చిత్రానికి  ‘రాజా ది గ్రేట్’ అనే టైటిల్ ఫిక్స్ చేశారు. తాజాగా ఈ చిత్రానికి సంబంధిన న్యూస్ ఒకటి బయటికి వచ్చింది. ఇందులో పాత్రతో పాటు రవితేజ లుక్ కూడా భిన్నంగా ఉంటుందంట. బరువు బాగా తగ్గనున్నట్లు ఫిలిం నగర్ వాసుల్లో టాక్ నడుస్తోంది. ఈ ప్రయత్నం రవితేజ కెరీర్ కి ప్లస్ అవుతుందని సినీ విశ్లేషకులు భావిస్తున్నారు.

Also, do SUBSCRIBE to our YouTube channel to get latest Tollywood updates.