Sonu Sood :వాళ్లకు అదిరిపోయే శుభవార్త చెప్పిన సోనూసూద్..?

రియల్ హీరో సోనూసూద్ మరో సంచలన నిర్ణయం తీసుకున్నారు. ఐఏఎస్ కావాలని కలలు కనేవాళ్లకు అదిరిపోయే శుభవార్త చెప్పారు. ఇప్పటికే ఎన్నో సేవా కార్యక్రమాల ద్వారా ప్రజల హృదయాల్లో చోటు సంపాదించుకున్న సోనూసూద్ తాజాగా మరో బృహత్తర కార్యక్రమానికి శ్రీకారం చుట్టారు. సివిల్ సర్వీసెస్ లో చేరాలని అనుకునే వాళ్లకు సోనూసూద్ అండగా నిలవనున్నారు. సంభవం పేరుతో ఐఏఎస్ కావాలనుకునే వాళ్లకు సోనూసూద్ ఆర్థిక సహాయం అందించనున్నారు. సోనూసూద్ తన ట్విట్టర్ ఖాతా ద్వారా ఈ విషయాన్ని వెల్లడించారు.

స్కాలర్ షిప్ కోసం దరఖాస్తు చేసుకోవాలని అనుకునే వాళ్లు http://www.soodcharityfoundation.org/ వెబ్ సైట్ ద్వారా దరఖాస్తు చేసుకోవాల్సి ఉంటుంది. ఐఏఎస్ కోసం సిద్ధం కావాలనుకునే వాళ్ల బాధ్యత మేం తీసుకుంటామని సోనూసూద్ చెప్పారు. సంభవం ప్రారంభం గురించి ప్రకటన చేస్తుండటం పట్ల సంతోషంగా ఉందని సోనూసూద్ పేర్కొన్నారు. విద్యార్థులకు జూన్ నెల 30వ తేదీ స్కాలర్ షిప్ కోసం దరఖాస్తు చేసుకోవడానికి చివరితేదీగా ఉంది. గతేడాది లాక్ డౌన్ అమలైన సమయంలో సోనూసూద్ పలు ప్రాంతాల్లో చిక్కుకుపోయిన ప్రజల కొరకు సొంతంగా రవాణా సదుపాయాలను కల్పించారు.

ప్రజల మదిలో సూపర్ హీరోగా పేరు తెచ్చుకున్న సోనూసూద్ ఐఏఎస్ కోచింగ్ తీసుకోవడానికి డబ్బులు లేని యువతకు సహాయం చేయనున్నారు. సోనూసూద్ తన సొంత డబ్బులను ఖర్చు చేస్తూ పేద ప్రజలకు సహాయం చేయడాన్ని ప్రజలు ప్రశంసిస్తున్నారు. కరోనా సోకిన వాళ్లకు వైద్యం అందించడంతో పాటు ఆక్సిజన్ సిలిండర్లను పంపిణీ చేస్తూ సోనూసూద్ గొప్ప మనస్సును చాటుకుంటున్నారు.

Most Recommended Video

ఈ 10 మంది టాప్ డైరెక్టర్లు తెలంగాణ రాష్ట్రానికి చెందిన వాళ్ళే..!
2 ఏళ్ళుగా ఈ 10 మంది డైరెక్టర్ల నుండీ సినిమాలు రాలేదట..!
టాలీవుడ్లో రూపొందుతున్న 10 సీక్వెల్స్ లిస్ట్..!