నందమూరి బాలకృష్ణ తన కొత్త లుక్ తో అభిమానులనే కాదు ప్రేక్షకులను కూడా సర్ప్రైజ్ చేశారు. కనీసం ఎటువంటి అప్డేట్ లేకుండానే సడన్ గా తాను నటిస్తున్న కొత్త చిత్రానికి సంబంచిధించిన లుక్ విడుదల చేయడం పై చర్చ మొదలైంది. కె.ఎస్.రవికుమార్ డైరెక్షన్లో తెరకెక్కుతున్న ఈ చిత్రం ప్రస్తుతం విదేశాల్లో షూటింగ్ జరుపుకుంటుంది.ఇక షూటింగ్ సెట్స్ లో ఉన్న బాలయ్యతో ఓ అభిమాని ఫోటో దిగి అది తన సోషల్ మీడియాలో పోస్ట్ చేసాడు. దీంతో బాలయ్య లుక్ లీకైపోయింది. అందుకే చిత్ర యూనిట్ వెంటనే అధికారికంగా బాలయ్య లుక్ ను విడుదల చేసేసారు.
ఇక ఈ లుక్ చూసిన అభిమానులు.. నెటిజన్లు ఖాళీగా ఉంటారా..? ఈ లుక్ ను బట్టి సినిమాలో బాలయ్య పాత్ర అదే అంటూ రక రకాల కథనాలు రాసుకొచ్చేస్తున్నారు. బాలయ్య ఈ చిత్రంలో రెండు డిఫరెంట్ షేడ్స్ లో ఉన్న పాత్రల్లో కనిపించనున్నారని… అందులో ఒకటి బిలియనీర్ గెటప్ కాగా మరొకటి మాస్ రోల్ అని చెప్పుకొస్తున్నారు. మరి ఇందులో ఎంతవరకూ నిజముందో తెలియాల్సి ఉంది. ఇక ఈ చిత్రంలో బాలయ్య సరసన వేదిక, సోనాల్ చౌహాన్ హీరోయిన్లుగా నటిస్తున్నారు. 2020 సంక్రాంతి కానుకగా ఈ చిత్రాన్ని విడుదల చేయాలనీ నిర్మాత సి. కళ్యాణ్ అలాగే దర్శకుడు రవికుమార్ ప్లాన్ చేస్తున్నారు.
