మనం ఏదైనా సాధించే ప్రయత్నంలో ఒక్కోసారి విఫలమవుతాం. అప్పుడు ఎదురైన నిరాశలో దాన్ని వదిలి వేరే దానిపై దృష్టి సారిస్తున్న సమయంలో ‘పరిస్థితులు మారిన లక్ష్యం మారకూడదు.. ఎక్కడ పోగొట్టుకున్న దానిని అక్కడే వెతికి పట్టుకోవాలని’ మన పెద్దలు చెబుతుంటారు. మనలో ఎంతమంది వాటిని చెవికెక్కించుకున్నామో గానీ హీరోయిన్ గా వరుస అవకాశాలతో దూసుకు పోతున్న రకుల్ మాత్రం ఆ మాటనే మంత్రంగా చేసుకుని తను అనుకున్నదానిని సాధించింది. వివరాల్లోకెళితే…హీరోయిన్ కాకమునుపు మోడల్ గా పలు యాడ్స్ చేసిన రకుల్ హీరోయిన్ అయ్యాకా వాటిని కొనసాగిస్తూ వచ్చింది. అలా రకుల్ నటించిన ఓ యాడ్ ఫిల్మ్ మురుగదాస్ కంటపడింది.
వెంటనే ఈ అగ్ర దర్శకుడు సదరు సంస్థని సంప్రదించారట. (కొత్త కావాలనుకున్నప్పుడు దర్శకులు మొదట చూసేది మోడలింగ్ రంగంలోని వారివైపు). అయితే ఆ సంస్థ వారు ‘రకుల్ కి సినిమాల్లో నటించే ఉద్దేశం లేదని’ చెప్పడంతో మురుగదాస్ ఖాళీ చేతులతో తిరిగివచ్చేశారు. ఇంతకీ మురుగదాస్ ఏ సినిమాకోసం రకుల్ ని సంప్రదించాలనుకున్నారో తెలుసా..? విజయ్ కి తెలుగులోనూ మార్కెట్ ఏర్పరిచేంతటి హిట్ ఇచ్చిన ‘తుపాకీ’. అప్పటికే రకుల్ కన్నడ, తెలుగు, తమిళంలో ఒక్కో సినిమా చేసున్నా పెద్ద పాపులారిటీ లేకపోయింది. ఆలా రకుల్ చేజారిన అవకాశం కాజల్ ని వరించింది. ఆ విషయం ఇటీవల మహేశ్ సినిమా షూటింగ్ లో జరిగిన చర్చల్లో బయటపడిందట. దాంతో మురుగదాస్ తో పనిచేసే అవకాశం కోల్పోయినా ఇప్పుడు లభించడం తన అదృష్టమంటూ మురిసిపోతుంది రకుల్.
Also, do SUBSCRIBE to our YouTube channel to get latest Tollywood updates.
