అమలా పద్దతి మార్చుకోలేదు… అందుకే విషయం విడాకుల వరకూ వెళ్ళింది…!

కెరీర్ మంచి ఊపులో ఉన్నప్పుడే… తమిళ దర్శకుడు ఏ.ఎల్.విజయ్ ను పెళ్ళి చేసుకుంది అమలా పాల్. 2014 లో వీరి వివాహం జరిగింది. కొన్నాళ్ళు వీరిద్దరి బంధం బాగానే కొన సాగినప్పటికీ తరువాత మనస్పర్ధలు రావడంతో 2017 లో వీరిద్దరూ విడాకులు తీసుకుని విడిపోయారు. తరువాత విజయ్ … ఐశ్వర్య అనే డాక్టర్ ను వివాహం చేసుకున్నాడు. ఆ టైములో ‘ కాలం ప్రతీ ఒక్కరికి ఓ అవకాశం ఇస్తుంది. నిజమైన ప్రేమ దొరికినప్పుడు నేను మళ్ళీ వివాహం చేసుకుంటాను.

సన్యాసిగా మాత్రం ఉండిపోను’ అంటూ గతంలో అమలా కామెంట్ చేసిన సంగతి తెలిసిందే. ఇది పరోక్షంగా విజయ్ పై కౌంటర్ వేయడమే అని సోషల్ మీడియాలో డిస్కషన్ కూడా నడిచింది. ఇటీవల సింగర్ భవేందర్ సింగ్ ను అమల రెండో పెళ్ళి చేసుకుంది అని వార్తలు వచ్చాయి. అయితే అందులో నిజం లేదు అని తేల్చి చెప్పేసింది. ఇక విజయ్ , అమల విడిపోయి ఎవరి జీవితాలు వారు గడుపుతూ ఉన్నప్పటికీ.. వారి విడాకుల విషయం పై ఇంకా డిస్కషన్లు జరుగుతూనే ఉండటం గమనార్హం.

తాజాగా విజయ్ తండ్రి… అమలా పాల్ మాజీ మావగారు అయిన అజగప్పన్ మళ్ళీ ఈ విషయం పై స్పందించారు.”విజయ్ – అమలా పాల్ ఇద్దరూ ప్రేమించుకుని .. ఇరు కుటుంబాల పెద్దలను ఒప్పించి పెళ్లి చేసుకున్నారు. పెళ్లి తరువాత అమలా పాల్ సినిమాలు చేయడం విజయ్ కి ఇష్టం లేదు. అతని ఇష్ట ప్రకారమే మానేస్తానని ముందుగానే ఆమె మాటిచ్చింది. కానీ తరువాత మళ్ళీ వరుసగా సినిమాలు చేయడం మొదలుపెట్టింది. మేము చెప్పినా .. తన పుట్టింటి వారు చెప్పినా…. తన పద్ధతిని మార్చుకోలేదు. ఎవరు ఎంతగా చెబుతున్నా ఆమె పట్టించుకోకపోవడంతో, విడాకుల వరకూ వెళ్లవలసి వచ్చింది” అంటూ ఆయన చెప్పుకొచ్చాడు.

Most Recommended Video

అత్యధిక టి.ఆర్.పి నమోదు చేసిన సినిమాల లిస్టు!
టాలీవుడ్ టాప్ హీరోల వరస్ట్ లుక్స్ ఇవే!
మన హీరోయిన్ల ఫ్యామిలీస్ సంబంధించి రేర్ పిక్స్!