కాజల్, రాశీఖన్నాలు గోపీచంద్ ను రిజెక్ట్ చేయడానికి కారణమదే

సాధారణంగా హీరోయిన్లు సినిమాలో తమ పాత్ర నచ్చకో, రెమ్యూనరేషన్ నచ్చకో లేకపోతే.. దర్శకనిర్మాతలు పెట్టిన రూల్స్ నచ్చకో సినిమాలను రిజెక్ట్ చేస్తుంటారు. కానీ.. గోపీచంద్ కొత్త సినిమాను రిజెక్ట్ చేయడానికి మాత్రం సరికొత్త రీజన్ చెబుతున్నారు హీరోయిన్లు. ఇటీవల “చాణక్య”తో ఊహించింస్థాయిలో ఆకట్టుకోలేకపోయిన గోపీచంద్ ఒక యాక్షన్ సినిమాను సైన్ చేసిన విషయం తెలిసిందే. ఈ చిత్రంలో కథానాయికగా మొదట కాజల్ ను కన్ఫర్మ్ చేశారు, అనంతరం ఆమె స్థానంలో రాశీఖన్నా వచ్చింది. అయితే.. తాజా సమాచారం ప్రకారం ఆమె కూడా ఈ ప్రొజెక్ట్ నుంచి తప్పుకొందని తెలుస్తోంది.

అందుకు కారణం.. ఈ సినిమా షూటింగ్ మొత్తం దట్టమైన అడవిలో జరుగుతుందట. అందుకోసం కథానాయికలు ఆల్మోస్ట్ 40 రోజులు అడవిలో గడపాల్సి వస్తుందట. 40 రోజుల వరుస కాల్షీట్స్ ఇవ్వడం సమస్య కాకపోయినా.. దట్టమైన అడవిలో అన్ని రోజులు షూటింగ్ అనేసరికి మాత్రం హీరోయిన్లు వెనకడుగు వేస్తున్నారు. దాంతో ఎవరైనా కొత్త హీరోయిన్ ను తీసుకోవాలని ప్లాన్ చేస్తున్నారు దర్శకనిర్మాతలు.

సైరా నరసింహారెడ్డి చిత్రంలోని పవర్ ఫుల్ డైలాగ్స్
సైరా సినిమా రివ్యూ & రేటింగ్!