Bigg Boss 5 Telugu: భారీ ఆఫర్ వల్లే ఆ కంటెస్టెంట్ ఒప్పుకున్నారా?

బిగ్ బాస్ తెలుగు రియాలిటీ షో సీజన్ 5 అంగరంగ వైభవంగా ప్రారంభమై బిగ్ బాస్ ఫ్యాన్స్ ను ఎక్కువగా ఆకట్టుకుంది. పంతొమ్మిది మంది కంటెస్టెంట్లలో తెలుగు ప్రేక్షకులకు బాగా సుపరిచితమైన వ్యక్తి ఎవరంటే యాంకర్ రవి అని చెప్పాలి. గతంతో పోలిస్తే యాంకర్ రవికి ఆఫర్లు తగ్గినా రియాలిటీ షోలు, ఈవెంట్ల ద్వారా యాంకర్ రవి సందడి చేస్తున్నారు. అయితే బిగ్ బాస్ నిర్వాహకులు భారీ మొత్తంలో రవికి ఆఫర్ చేశారని అందువల్లే ఈ షోలో పాల్గొనడానికి రవి ఒప్పుకున్నారని సమాచారం.

సాధారణంగా బిగ్ బాస్ షోలో పాల్గొన్న కంటెస్టెంట్లు షో నుంచి బయటకు వచ్చిన తరువాత కొన్ని నెలల పాటు ఇతర ఎంటర్టైన్మెంట్ ఛానెల్స్ లో పని చేయమనే నిబంధనలను అంగీకరించాలి. రవి లాంటి పాపులర్ యాంకర్లకు ఈ నిబంధనల వల్ల ఇబ్బందులు తప్పవు. అయితే వారానికి ఏకంగా 7 లక్షల నుంచి 10 లక్షల వరకు రెమ్యునరేషన్ ఫిక్స్ చేయడంతో రవి బిగ్ బాస్ కు గ్రీన్ సిగ్నల్ ఇచ్చినట్టు తెలుస్తోంది.

బిగ్ బాస్ 5 టాప్ 5 కంటెస్టెంట్లలో రవి ఖచ్చితంగా ఉంటారని బిగ్ బాస్ ఫ్యాన్స్ ఫిక్స్ అయ్యారు. రవి ఇది మా ప్రేమకథ సినిమాతో హీరోగా కూడా లక్ ను పరీక్షించుకున్నారు. ఆ సినిమా బాక్సాఫీస్ వద్ద ఆశించిన స్థాయిలో సక్సెస్ సాధించలేదు. సోషల్ మీడియాలో సైతం రవికి భారీస్థాయిలో ఫ్యాన్ ఫాలోయింగ్ ఉంది. ప్రేక్షకులకు ఎంటర్టైన్మెంట్ ఇవ్వాలనే ఉద్దేశంతో బిగ్ బాస్ షోకు వెళుతున్నానని ఇన్ స్టాగ్రామ్ వీడియోలో రవి చెప్పుకొచ్చారు. ఈ సీజన్ లో రవికే బిగ్ బాస్ నిర్వాహకుల నుంచి హైయెస్ట్ రెమ్యునరేషన్ అందుతోందని తెలుస్తోంది.

Most Recommended Video

బిగ్‌ బాస్ 5 కంటెస్టెంట్స్ గురించి మీకు తెలియని ఆసక్తికరమైన విషయాలు!
తన 16 ఏళ్ల కెరీర్ లో అనుష్క రిజెక్ట్ చేసిన సినిమాల లిస్ట్..!
ఈ 15 సినిమాలకి సంగీతం ఒకరు.. నేపధ్య సంగీతం మరొకరు..!