మా ఎన్నికల్లో రికార్డు స్థాయిలో ఓట్లు

మా ఎన్నికలు మొదటి రెండు గంటలు కూడా చాలా ప్రశాంతంగా కొనసాగాయి. ఇక 11 గంటల సమయంలో ఒక్కసారిగా వాతావరణం మారిపోయింది. గతంలో ఎప్పుడు లేని విధంగా విమర్శలు చేసుకోవడమే కాకుండా ఏకంగా కొట్టుకోవడానికి సిద్ధమయ్యారు. నటి హేమ అయితే కొరికే వరకు వెళ్ళింది అంటే వారిలో ఆగ్రహం ఏ లెవెల్లో ఉందొ అర్థం చేసుకోవచ్చనే కామెంట్స్ వస్తున్నాయి.

ఇక నేడు ఓటింగ్ అయితే మొత్తానికి ముగిసింది. 2 గంటల వరకు కొనసాగాల్సిన ఓటింగ్ ను మధ్యాహ్నం మూడు గంటల వరకు కొనసాగించారు. ఇక మూవీ అర్టిస్ట్ అసోసియేషన్ లో మొదటిసారి అత్యధిక ఓట్లు నమోదయ్యాయి. మొత్తం 905ఓట్లల్లో 605ఓట్లు డైరెక్ట్ నమోదయ్యాయి. పోస్టల్ బ్యాలెట్ ద్వారా 60ఓట్లు వచ్చాయి. ఇక మొత్తం 665ఓట్లు నమోదయ్యాయి. ఇక నేడు రాత్రి అసలు ఫలితాలు వెలువడనున్నాయి.

ప్రకాష్ రాజ్ ప్యానెల్ – విష్ణు మంచు ప్యానెల్ పోటాపోటీగా ఎన్నికల్లో తలపడినట్లు తెలుస్తోంది. ఇక ఇద్దరిలో ఎవరు గెలుస్తారు అనేది కూడా హాట్ టాపిక్ గా మారింది. ఇక మంచు విష్ణు అయితే ఎన్నికల హడావుడిలో గెలుపు నాదే అంటూ మీడియాకి సమాధానం ఇచ్చారు. అందులో ఎలాంటి అనుమానం లేదని ముందే చెప్పడంతో సోషల్ మీడియాలో మీమ్స్ బాగానే వైరల్ అవుతున్నాయి.