Regina, Nivatha Thomas: నివేదా రెజీనా కలిసి హిట్ కొడతారా?

July 27, 2021 / 10:44 AM ISTByFilmy Focus

Join Us

Regina, Nivatha Thomas: నివేదా రెజీనా కలిసి హిట్ కొడతారా?

నిఖిల్ హీరోగా నటించిన స్వామిరారా సినిమాతో దర్శకునిగా సుధీర్ వర్మ కెరీర్ ను మొదలుపెట్టి తొలి ప్రయత్నంలోనే టాలెంటెడ్ డైరెక్టర్ గా పేరు తెచ్చుకున్నారు. ఈ సినిమా తర్వాత సుధీర్ వర్మ దోచెయ్, కేశవ, రణరంగం సినిమాలకు దర్శకత్వం వహించగా ఈ సినిమాలు ఆశించిన స్థాయిలో హిట్ కాలేదు. ప్రస్తుతం సుధీర్ వర్మ రెజీనా, నివేదా థామస్ ప్రధాన పాత్రల్లో శాకినీ ఢాకినీ అనే సినిమాను తెరకెక్కిస్తున్నారు. యాక్షన్ కామెడీ ఎంటర్టైనర్ గా ఈ సినిమా తెరకెక్కనుండగా ఈ సినిమా మిడ్ నైట్ రన్నర్స్ సినిమాకు రీమేక్ కావడం గమనార్హం.

కొరియాలో ఇద్దరు యంగ్ హీరోలు నటించిన సినిమాను తెలుగు నేటివిటీకి తగిన విధంగా హీరోయిన్ పాత్రలతో సుధీర్ వర్మ తెరకెక్కిస్తున్నారు. ఈ సినిమాకు మైకీ మెక్కర్లీ సంగీతం అందిస్తుండగా రిచర్డ్ ప్రసాద్ ఈ సినిమాకు సినిమాటోగ్రఫీ అందిస్తుండటం గమనార్హం. పోలీస్ అకాడమీలో ట్రైనింగ్ తీసుకునే ఇద్దరు లేడీ పోలీసులు ట్రైనింగ్ పూర్తికాక ముందే ఒక కిడ్నాప్ కేసును పరిష్కరించడానికి ప్రయత్నం చేస్తారు. అయితే ఆ కిడ్నాప్ కేసు వల్ల వీళ్లకు ఎలాంటి ఇబ్బందులు ఎదురయ్యాయి..?

ఆ కిడ్నాప్ వెనుక ఉన్న రాకెట్ ను హీరోయిన్లు బయటపెడతారా..? అనే ప్రశ్నలకు సమాధానంగా ఈ సినిమా తెరకెక్కింది. రెజీనా, నివేదా థామస్ ఈ సినిమాతో సక్సెస్ సాధిస్తారేమో చూడాల్సి ఉంది. ఈ మధ్య కాలంలో సరైన సక్సెస్ లేని సుధీర్ వర్మ సైతం ఈ సినిమాపైనే ఆశలు పెట్టుకోవడం గమనార్హం.