రేణు దేశాయ్ రీల్ అండ్ రియల్ లైఫ్ రహస్యాలు

బద్రి సినిమాలో “బంగాళా ఖాతంలో నీరంటే నువ్వేలే” అని పవన్ కళ్యాణ్ పాడుతుంటే హీరోయిన్ రేణు దేశాయ్ ని కళ్లార్పకుండా చూసారు ప్రేక్షకులు. మొదటి సినిమాతోనే ఆమె సూపర్ క్రేజ్ ని సొంతం చేసుకున్నారు. ఆ తర్వాత జానీ చిత్రంలో హోమ్లీగా కనిపించి నటనతో మెప్పించారు. నటిగానే కాకుండా కొణిదెల ఇంటి కోడలుగా రేణు దేశాయ్ మెగా అభిమానులకు చాలా దగ్గరయ్యారు. ఆమె నేడు (డిసెంబర్ 4 ) పుట్టినరోజు జరుపుకుంటున్నారు. ఈ సందర్భంగా ఫిల్మీ ఫోకస్ శుభాకాంక్షలు తెలుపుతూ ఆమె రీల్ అండ్ రియల్ లైఫ్ సీక్రెట్స్ అందిస్తోంది.

1 . మాతృ భాష మరాఠీమహారాష్ట్రలోని పూణే లో1981 సంవత్సరంలో డిసెంబర్ 4న రేణు దేశాయ్ జన్మించారు. ఆమె మాతృ భాషా మరాఠీ. సినీ నేపథ్యం ఉన్న కుటుంబం కాకపోయినా రేణు చదువు అనంతరం మోడలింగ్ వైపు అడుగులు వేశారు.

2 . స్పెషల్ అప్పీరియన్స్ ముంబై లో మోడల్ గా బిజీగా ఉన్న సమయంలో ప్రముఖ గాయకుడు, సంగీత దర్శకుడు శంకర్ మహదేవన్ గుక్కతిప్పుకోకుండా పాడిన పాటలో రేణు దేశాయ్ కనిపించారు. ఈ స్పెషల్ అప్పీరియన్స్ ద్వారా సినీ ప్రముఖుల దృష్టిలో పడ్డారు.

3 . కోలీవుడ్ ఎంట్రీజేమ్స్ పాండ్ అంటే తమిళ సినిమా ద్వారా రేణు హీరోయిన్ గా పరిచయమయ్యారు. ఈ చిత్రం విడుదల కాకముందే తెలుగులో బద్రి సినిమాలో నటించే అవకాశం దక్కించుకున్నారు.

4 . బద్రి కలిపిన బంధంబద్రి సినిమాలో నటిస్తున్నప్పుడు పవర్ స్టార్ పవన్ కళ్యాణ్ తో రేణు ప్రేమలో పడ్డారు. ఇద్దరి మనసులు కలవడంతో కొంతకాలం సహజీవనం చేసి అనంతరం పెళ్లి చేసుకున్నారు.

5 . కాస్ట్యూమ్ డిజైనర్పవన్ కళ్యాణ్ చిత్రాలకు రేణు కాస్ట్యూమ్ డిజైనర్ గా పనిచేశారు. జానీ, గుడుంబా శంకర్, బాలు, అన్నవరం సినిమాలు సరికొత్త డిజైన్స్ ని పరిచయం చేశారు.

6 . ఇద్దరు పిల్లలుపవన్ కళ్యాణ్, రేణు దంపతులకు అకీరా, ఆద్య అనే ఇద్దరు పిల్లలు. 11 ఏళ్లు కలిసి ఉన్న తర్వాత 2013 లో పవన్ తో విడాకులు తీసుకున్నారు. ప్రస్తుతం రేణు పిల్లలతో కలిసి జీవిస్తున్నారు.

7 . నిర్మాతపవన్ కళ్యాణ్ నుంచి విడిపోయిన తర్వాత సినిమాలకు రేణు మరింత దగ్గరయ్యారు. మాతృభాషలో “మంగళాష్టక్ వన్స్ మోర్ ” అనే రొమాంటిక్ లవ్ స్టోరీని నిర్మించారు. సమీర్ జోషి దర్శకత్వంలో వచ్చిన ఈ మరాఠీ మూవీ యువతను ఆకట్టుకుంది.

8 . డైరక్టర్పవన్ కళ్యాణ్ సినిమాలకు దర్శకత్వ విభాగంలో పనిచేసిన రేణు దేశాయ్ “ఇష్క్ వాలా లవ్” అనే మరాఠీ మూవీ ద్వారా మెగా ఫోన్ అందుకున్నారు. అకిరా ఫిలిమ్స్ బ్యానర్లో ఈ చిత్రాన్ని ఆమె సొంతంగా నిర్మించారు. ఇందులో పవన్ తనయుడు అకిరా కూడా నటించాడు.

9 . స్నేహితుడుపవన్ కళ్యాణ్ తో విడాకులు తీసుకున్నప్పటికీ రేణు అతనితో స్నేహాన్ని కొనసాగిస్తున్నారు. తల్లిదండ్రులు విడిపోయిన ప్రభావం పిల్లలపై పడకుండా పెంచుతున్నారు. పవన్ ఫ్యాన్స్ ఆమెను ఇప్పటికీ వదినా అని పిలుస్తుంటారు.

10 . ఖుషి 2పవన్ కళ్యాణ్ సినీ కెరీర్ లో ఖుషి మూవీ ఒక మైలు రాయి వంటిది. ఈ చిత్రం అంటే రేణు దేశాయ్ కి భలే ఇష్టం. ఖుషి కి సీక్వెల్ తన సొంత బ్యానర్లో తీయాలనేది ఆమె కల. ఈ ఏడాది మొదట్లో దర్శకుడు ఎస్.జె.సూర్య తో సంప్రదింపులు కూడా జరిపారు. అయితే సెట్ కాలేదు. త్వరలో ఆమె డ్రీమ్ ప్రాజక్ట్ పట్టాలెక్కాలని ఫిల్మీ ఫోకస్ కోరుకుంటోంది.