బుల్లితెరపై పవర్ స్టార్ మాజీ వైఫ్!

హీరోయిన్స్ కెరీర్ అయిపోయాక లేక క్రేజ్ తగ్గిపోయాక రియాలిటీ షో హోస్ట్ లుగా వ్యవహరించడం చూస్తూనే ఉంటాం. సదా, స్నేహ, ప్రియమణి వంటి వారు సినిమాల్లో అవకాశాలు తగ్గడంతో రియాలిటీ షో హోస్ట్స్ గా సెటిల్ అయినవారే. ఇప్పుడు ఈ జాబితాలో ఎక్స్ హీరోయిన్ మాత్రమే కాక పవన్ కళ్యాణ్ ఎక్స్ వైఫ్ అయిన రేణుదేశాయ్ కూడా చేరింది. ప్రస్తుతం ఎన్టీయార్ హోస్ట్ చేస్తున్న “బిగ్ బాస్” షో పుణ్యమా అని ఎంటర్ టైన్మెంట్ చానల్స్ లో “నెంబర్ ఒన్”గా గత కొన్ని నెలలుగా అగ్ర స్థానాన్ని ఎంజాయ్ చేస్తున్న మాటీవీ.. ఆ షో త్వరలో పూర్తవ్వనుండడం, మళ్ళీ సెకండ్ సీజన్ స్టార్ట్ చేయడానికి కాస్త సమయం పట్టే అవకాశాలున్నాయి కాబట్టి ఈలోపు తమ పొజిషన్ గల్లంతవ్వకుండా ఉండడం కోసం ఓ డ్యాన్స్ రియాలిటీ షోను ప్లాన్ చేస్తున్నారు.

ఈ షోను హోస్ట్ చేసేందుకు పవన్ కళ్యాణ్ మాజీ సతీమణి రేణుదేశాయ్ ను సంప్రదించగా ఆమె సమ్మతించినట్లు తెలుస్తోంది. అన్నీ సెట్ అయితే నెక్స్ట్ మంత్ నుంచే రేణుదేశాయ్ ను హోస్ట్ లేదా గెస్ట్ పొజిషన్ లో మాటీవీలో చూడొచ్చన్నమాట. హీరోయిన్ గా “జానీ” తర్వాత మరో సినిమా చేయని రేణుదేశాయ్.. పవన్ కళ్యాణ్ తో విడాకులు తీసుకొన్న అనంతరం తన ఇద్దరు పిల్లలు అఖీరా నందన్, ఆరాధ్యలను తీసుకొని కలకత్తాలో సెటిల్ అయ్యింది. ఒక మరాఠీ సినిమాను ప్రొడ్యూస్ చేయడంతోపాటు ఒక మరాఠీ సినిమాను డైరెక్ట్ కూడా చేసింది. సో, ఈ రియాలిటీ షో ద్వారా రేణుదేశాయ్ ఎలాంటి ఇమేజ్ తెచ్చుకుంటుందో చూడాలి.

Also, do SUBSCRIBE to our YouTube channel to get latest Tollywood updates.