బుల్లి తెరలో పవన్ కళ్యాణ్ తనయుడు

పవర్ స్టార్ పవన్ కళ్యాణ్ అభిమానులకు శుభవార్త. పవర్ స్టార్ పవన్ కళ్యాణ్, రేణు దేశాయ్ ల కుమారుడు అకిరా త్వరలో తెలుగు ప్రేక్షకుల ముందుకు రానున్నాడు. 2014లో రేణు దేశాయ్ ‘ఇష్క్ వాలా లవ్’ అనే మరాఠి చిత్రాన్ని స్వీయ దర్శకత్వంలో నిర్మించింది. ఈ చిత్రంలో అకిరా ఓ పాత్రను పోషించాడు. ఈ సినిమాని తెలుగులోకి డబ్బింగ్ చేసి విడుదల చేయనున్నారు. ఈటీవీ ఛానల్లో సెప్టెంబరు 4న ఈ చిత్రాన్ని ప్రసారం చేయనున్నారని రేణు దేశాయ్ తన ట్విట్టర్ ఖాతా ద్వారా వెల్లడించారు.

అయితే అతని ఎంట్రీ పై భారీ అంచనాలు పెట్టుకోవద్దని విన్నవించారు.  “అకిరా తొలి పరిచయం పై చిన్న మాట. ఇష్క్ వాలా లవ్ లో నటించేటప్పుడు అఖిరాకు తొమ్మిదేళ్లు. అప్పుడు అతన్ని డైరక్ట్ చేసినప్పుడు నాలోని ఫీలింగ్స్ మాటల్లో చెప్పలేను. అయితే అతని పాత్ర పై ఎక్కువ అంచనాలు పెట్టుకోవద్దని నా విన్నపం. బుల్లి తెరలో అతన్ని అందరూ చూసి ఎంజాయ్ చేయండి.” అని ట్విట్టర్లో పోస్ట్ చేశారు. తెలుగు రాష్ట్రాల్లో క్రేజ్ ఉన్న పవన్ కుమారుడిని బుల్లి తెరపై చూసేందుకు తెలుగు సినీ అభిమానులందరూ ఎదురు చూస్తున్నారు.

Please do read and make Akiras debut a fun event rather than a commercial thought :)) pic.twitter.com/0HCFGA5VZC

— renu (@renuudesai) August 19, 2016

Hi,ETV has confirmed the telecast date of Ishq Wala Love(Telugu)for 4th September. Finally we will get to see Akira’s mini debut on screen😊😊

— renu (@renuudesai) August 19, 2016