నెటిజన్లకు లక్ష రూపాయల రివార్డ్ ప్రకటించిన వర్మ

ఆంధ్రప్రదేశ్ ముఖ్యమంత్రి చంద్రబాబునాయుడ్ని పట్టుకొచ్చినవారికి లక్ష రూపాయల రివార్డ్ ప్రకటించాడు రాంగోపాల్ వర్మ. వర్మకి అదేం పోయేకాలం అనుకొంటున్నారా.. ఇక్కడ విచిత్రమైన విషయం ఏంటంటే, వర్మ నిన్న సడన్ గా “ఎన్టీఆర్ లక్ష్మి” అని ఎప్పుడెప్పుడో ప్రకటించిన చిత్రం గురించి మళ్ళీ ప్రకటించిన వర్మకు ఇంటర్నెట్ లో గత కొన్ని రోజులుగా హల్ చల్ చేస్తున్న “చంద్రబాబు నాయుడ్ని పోలి ఓ హోటల్ లో పనిచేస్తున్న” ఒక వ్యక్తి వీడియో కనిపించింది. వెంటనే ఆ వీడియోలో అచ్చు చంద్రబాబు నాయుడులా కనిపిస్తున్న వ్యక్తి ముఖం కనిపించేలా స్క్రీన్ షాట్ తీసి.. దాన్ని తన సోషల్ మీడియా నెట్వర్క్స్ అన్నిట్లో పోస్ట్ చేసి “ఈ వ్యక్తిని ఎవరైతే గుర్తించి నాకు తెలియజేస్తారో వారికి లక్ష రూపాయల బహుమతి ఇస్తాను” అని ప్రకటించాడు రాంగోపాల్ వర్మ.

క్రిష్ ఎంతో జాగ్రత్తగా “ఎన్టీఆర్ కథానాయకుడు, ఎన్టీఆర్ ప్రజా నాయకుడు” అంటూ ఎన్టీఆర్ బయోపిక్ ను జనవరిలో రెండు భాగాలుగా విడుదల చేయడానికి సన్నద్ధమవుతున్న తరుణంలో వర్మ ఇలా చివరి నిమిషంలో “లక్ష్మీస్ ఎన్టీఆర్” అంటూ హడావుడి చేస్తుండడం.. ఆ రెండు పార్ట్శ్ విడుదలైన వారంలోనూ తన వెర్షన్ చిత్రాన్ని విడుదల చేస్తానని ప్రకటించడంతో ప్రేక్షకుల్లో ఆసక్తి నెలకొంది.