అందరూ మాట్లాడే విధంగా తాను మాట్లాడితే ఏం బాగుంటుంది, ఎవరు పట్టించుకుంటారు అని అనుకుంటారో ఏమో.. ప్రముఖ దర్శకుడు రామ్‌గోపాల్‌ వర్మ ఎప్పుడూ విచిత్రంగా మాట్లాడుతూ ఉంటారు. ప్రతి విషయంలోనూ సెటైర్‌, కాంట్రవర్శీలను బాగా దట్టించి ట్వీట్లు చేస్తుంటారు. తాజాగా ప్రముఖ దర్శకుడు ఎస్‌.ఎస్‌.రాజమౌళిపై ఆసక్తికర వ్యాఖ్యలు చేశారు. ఆసక్తికర అనేకంటే.. అదో రకమైన వ్యాఖ్యలు చేశారు అంటేనే బాగుంటుందేమో. ఎందుకంటే ఆ మాటలు అలా ఉన్నాయి మరి.‘ఆర్‌ఆర్‌ఆర్‌’ చిత్ర బృందం కొన్ని రోజుల క్రితం ట్విటర్‌లో షేర్‌ చేసిన ఓ వీడియోను రీట్వీట్‌ చేస్తూ రాజమౌళి మూడు ట్వీట్లు చేశారు.
ఆ వీడియోపై తన అభిప్రాయాన్ని వ్యక్తం చేస్తూనే.. కొన్ని సెటైర్లు, విమర్శలు, ఇబ్బందికర కామెంట్లు కూడా చేశారు. ‘‘భారతీయ దర్శకుడు ఇలాంటి క్షణాలను అనుభవిస్తారని ఇండియన్‌ ఫిల్మ్‌ ఇండస్ట్రీ చరిత్రలో దాదా సాహెబ్‌ ఫాల్కే నుండి ఇప్పటి వరకూ ఎవరూ (రాజమౌళి సహా) ఊహించి ఉండరు’’ అని ట్వీట్ చేశారు రామ్‌ గోపాల్‌ వర్మ. ఈ కామెంట్లతోపాటు ‘‘రాజమౌళి మీరు దేశానికి చెందిన ‘మొఘల్‌ ఏ ఆజామ్‌’ సినిమా దర్శకుడు ‘కా ఆసిఫ్‌’, ‘షోలే’ సినిమా రమేశ్‌ సిప్పీతోపాటు..
ఆదిత్య చోప్రాలు, కరణ్‌ జోహార్‌లు, భన్సాలీలను మీరు దాటేశారు. దాని కోసంగాను మీ ప్రతి వేళ్లను నాకుతాను’’ అని రాసుకొచ్చారు. ‘‘మీరు భద్రతను కూడా పెంచుకోండి. ఎందుకంటే దేశంలో చాలామంది దర్శకులు మీ మీద అసూయతో రగిలిపోతున్నారు. ఏకంగా మిమ్మల్ని చంపడానికి ఏకంగా ఓ గ్రూపును సిద్ధం చేస్తున్నారు. అందులో నేను కూడా ఓ భాగం. మీకు ఈ సీక్రెట్‌ చెప్పేస్తున్నాను’’ అని రాసుకొచ్చారు. అయితే ఇదంతా తాగడం వల్ల చేసిన ట్వీట్లు అని కూడా రాశారు.
రామ్‌చరణ్‌, ఎన్టీఆర్‌ కథానాయకులుగా రాజమౌళి తెరకెక్కించిన ‘ఆర్‌ఆర్‌ఆర్‌’ సినిమాలోని ‘నాటు నాటు’ పాటకు గోల్డెన్‌ గ్లోబ్‌ అవార్డు దక్కించుకున్న విషయం తెలిసిందే. అమెరికాలో జరిగిన ఆ వేడుకలో రాజమౌళి, సంగీత దర్శకుడు కీరవాణి, రామ్‌చరణ్‌, ఎన్టీఆర్‌ సతీసమేతంగా హాజరయ్యారు. ఆ పర్యటనలోనే హాలీవుడ్‌ దిగ్గజ దర్శకుడు జేమ్స్‌ కామెరూన్‌ను రాజమౌళి, కీరవాణి కలిశారు. వారి సంభాషణ వీడియోను ‘ఆర్‌ఆర్‌ఆర్‌’ టీమ్‌ ఇటీవల ట్వీట్ చేసింది. ఆ వీడియోకుగానే వర్మ ఈ ట్వీట్లు పెట్టారు.
వీరసింహారెడ్డి సినిమా రివ్యూ & రేటింగ్!
వాల్తేరు వీరయ్య సినిమా రివ్యూ & రేటింగ్!
‘ఆంధ్రావాలా’ టు ‘అజ్ఞాతవాసి’ .. సంక్రాంతి సీజన్లో మర్చిపోలేని డిజాస్టర్ గా సినిమాల లిస్ట్..!
తలా Vs దళపతి : తగ్గేదేలే సినిమా యుద్ధం – ఎవరిది పై చేయి?
Home