RGV: మెగా ఫ్యాన్స్ ను మళ్లీ కెలికిన ఆర్జీవీ!

ప్రముఖ దర్శకుడు రామ్ గోపాల్ వర్మ సోషల్ మీడియా ద్వారా తరచూ వివాదాస్పద కామెంట్లు చేస్తూ ఆ కామెంట్ల వల్ల వార్తల్లో నిలిచే ప్రయత్నం చేస్తారు. తాజాగా వర్మ మెగా ఫ్యాన్స్ కు కోపం తెప్పించేలా సోషల్ మీడియాలో పోస్టులు పెట్టారు. చిరంజీవి బర్త్ డే వేడుకలకు మెగా హీరోలలో చాలామంది హీరోలు హాజరు కాగా అల్లు అర్జున్ మాత్రం ఈ వేడుకలకు హాజరు కాలేదు. బన్నీ ఈ వేడుకలకు హాజరు కాకపోవడం గురించి సోషల్ మీడియా వేదికగా చర్చ జరుగుతోంది.

అయితే ఈ వేడుకకు బన్నీ వెళ్లకపోవడం అతని తెలివితేటలకు నిదర్శనమని వర్మ అన్నారు. మెగా కుటుంబ పరాన్నజీవులతో బన్నీ కలవకూడదని బన్నీ ఓ సెల్ఫ్ మేడ్ స్టార్ అంటూ బన్నీ స్వయంగా ఎదిగాడని వర్మ షాకింగ్ కామెంట్లు చేశారు. చిరంజీవి ఫ్యామిలీ మెంబర్స్ పై కమెడియన్ అల్లు రామలింగయ్య మనవడు బన్నీ సాధించిన సక్సెస్ అసలైన సక్సెస్ అని తానంటానని వర్మ చెప్పుకొచ్చారు. వాళ్లు ఇప్పటికీ చిరంజీవి సక్సెస్ పై ఆధారపడుతున్నారు కాబట్టి పరాన్నజీవులు అంటున్నానని వర్మ మెగా ఫ్యామిలీ హీరోల గురించి ఘాటు వ్యాఖ్యలు చేశారు.

మెగా ఫ్యామిలీపై గతంలో కామెంట్లు చేసి వార్తల్లో నిలిచిన వర్మ తాజాగా మరోసారి మెగా హీరోలను టార్గెట్ చేసి కామెంట్లు చేశారు. చిరంజీవి పుట్టినరోజు వేడుకకు హాజరు కాకపోవడానికి గల కారణాన్ని బన్నీ వెల్లడిస్తే బాగుంటుందని మెగా ఫ్యాన్స్ భావిస్తున్నారు. మెగా కాంపౌండ్ పై కామెంట్లు చేసే వర్మ అసలైన పరాన్నజీవి అంటూ నెటిజన్లు, మెగా ఫ్యాన్స్ అభిప్రాయాలను వ్యక్తం చేయడం గమనార్హం.

Most Recommended Video

చాలా డబ్బు వదులుకున్నారు కానీ ఈ 10 మంది యాడ్స్ లో నటించలేదు..!
గత 5 ఏళ్లలో టాలీవుడ్లో రూపొందిన సూపర్ హిట్ రీమేక్ లు ఇవే..!
రాజ రాజ చోర సినిమా రివ్యూ& రేటింగ్!