మే 25న “ఆఫీసర్” చిత్రాన్ని విడుదల చేస్తున్నానని సినిమా టీజర్ రిలీజ్ చేయడానికి ముందే ఎనౌన్స్ చేసిన రాంగోపాల్ వర్మ ఇప్పుడు సడన్ గా ఇవాళ విడుదల చేసిన ట్రైలర్ చివర్లో మాత్రం “కమింగ్ వెరీ సూన్” అని వేయడం పలు సందేహాలకు తావునిస్తోంది. అంటే ముందు అనుకున్నట్లుగా మే 25న సినిమాను విడుదల చేయడం లేదా, లేక సెన్సార్ అవ్వలేదు కాబట్టి ఇంకా డేట్ ఎనౌన్స్ చేయలేదా అనే సందేహాలు వస్తున్నాయి. అయితే.. ఇన్సైడ్ సోర్సస్ ప్రకారం సినిమాలో స్క్రీన్ ప్లే అండ్ మ్యూజిక్ పరంగా చేయాల్సిన మార్పుల కోసమే సినిమాని ఒకవారం పోస్ట్ పోన్ చేస్తున్నట్లు సమాచారం.
సో, ఆఫీసర్ మే 25న కాకుండా జూన్ 1న విడుదలయ్యే అవకాశాలున్నాయి. వర్మ దర్శకత్వంలో తెరకెక్కిన ఈ చిత్రం టీజర్స్ కానీ ట్రైలర్ తో కానీ ఎలాంటి ఇంపాక్ట్ క్రియేట్ చేయలేకపోయింది. నాగార్జున తప్ప “ఆఫీసర్” సినిమా హిట్ అవుతుందన్న నమ్మకం ఇండస్ట్రీ మొత్తంలో ఎవరికీ లేకపోవడం గమనార్హం. మరి వారం లేటుగా వస్తున్న వర్మ ఆడియన్స్ ను ఆకట్టుకొంటాడో.. లేక తన మునుపటి చిత్రాల వలె నిరాశపరుస్తాడా అనేది వేచి చూడాలి.
