ప్రముఖ దర్శకుడు రామ్ గోపాల్ వర్మ ఎవరిని ఎప్పుడు విమర్శిస్తారో.. ప్రశంసిస్తారో చెప్పడం కష్టం. రెండు నెలల క్రితం “ఆంధ్రాని కాపు కాసే శక్తి పవన్ కళ్యాణ్” అంటూ పవర్ స్టార్ ని ఆకాశానికి ఎత్తేసిన వర్మ.. నేడు అదే హీరోతో మాటల యుద్ధానికి దిగారు. కొన్ని రోజుల క్రితం వరకు కూడా వర్మ పవన్ కి ఫ్యాన్ గానే ఉన్నారు. కాటమరాయుడు లుక్ లో పవన్ స్టైల్ ని ప్రశంసించారు. కానీ నిన్న రిపబ్లిక్ డే నాడు పవన్ కి కోపం తెప్పించారు. స్పెషల్ స్టేటస్ కావాలని వైజాక్ లో జరిగిన మౌన ప్రదర్శనకు పవన్ హాజరుకాలేక పోవడాన్ని విమర్శిస్తూ “నాయకుడు, యుద్ధ రంగంలో లేకపోతే సైన్యం ఏమయిపోతుంది.? రాజు లేకుండా యుద్ధం ఎలా గెలుస్తుంది? అని వర్మ సెటైర్ వేశారు. ఇందుకు పవన్ కూడా గట్టిగానే సమాధానం ఇచ్చారు.
“ఈ మధ్యనే రామ్‌గోపాల్‌ వర్మ కుమార్తెకు పెళ్ళయ్యింది. కానీ, పోర్నోగ్రఫీ సినిమాల్ని కలెక్ట్ చేస్తుంటానని చెప్పే వర్మ లాంటి వ్యక్తుల గురించి మాట్లాడాల్సిన అవసరముందా.?” అంటూ పవన్ పరువుతీశారు. పవర్ స్టార్ అలా మాట్లాడిన వెంటనే ట్విట్టర్లో వర్మ కౌంటర్ ఇచ్చారు. “ఒక అభిమానిగా పవన్ పై ఎక్స్పెక్టేషన్ తో మాట్లాడుతాను గానీ, తాను చేసుకున్న మూడు పెళ్ళాల వంటి వ్యక్తిగత విషయాల జోలికి ఎప్పుడూ వెళ్ళలేదు. నా ఆలోచనలు, లైఫ్ స్టైల్ గురించి దాచుకోకుండా నా ఇష్టం పుస్తకంలో విప్పి విప్పి రాసాను” అంటూ విరుచుకు పడ్డారు. “వాళింట్లో వాళ్ళ గురించి మాట్లాడారని యండమూరిని తిట్టారు. మరి వాళ్ళు వేరే ఇంట్లో వాళ్ళ గురించి మాట్లాడొచ్చా? ఇదేనా వికాసం ?” అంటూ ప్రశ్నించారు.
Also, do SUBSCRIBE to our YouTube channel to get latest Tollywood updates.
