బాలీవుడ్ యంగ్ అండ్ ఎనర్జిటిక్ హీరో సుశాంత్ మరణం నేటితో రెండు సంవత్సరాలు పూర్తి అయ్యింది. ఏ విధమైనటువంటి సినీ నేపథ్యం లేని కుటుంబం నుంచి ఇండస్ట్రీలోకి అడుగు పెట్టిన సొంత టాలెంట్ తో ఎంతో మంచి ఆదరణ సంపాదించుకున్న సుశాంత్ ఇండస్ట్రీలో ఎదుగుతున్న సమయంలోనే 2020 జూలై 14వ తేదీ ఆత్మహత్య చేసుకున్నారు. ఈయన మరణం ఇప్పటికీ ఎంతోమంది అభిమానులు జీర్ణించుకోలేకపోతున్నారు. ఈ క్రమంలోనే ఆయన మరణించి నేటికి రెండు సంవత్సరాలు పూర్తి కావడంతో ఎంతో మంది అభిమానులు సోషల్ మీడియా వేదికగా సుశాంత్ ఫోటోలను షేర్ చేస్తూ తమ అభిమాన నటుడుకు నివాళులు అర్పిస్తున్నారు.
ఈ క్రమంలోనే పలువురు సెలబ్రిటీలు సైతం ఎమోషనల్ పోస్టులు చేస్తున్నారు. ఇప్పటికే సుశాంత్ సోదరి సోషల్ మీడియా వేదికగా ఒక హార్ట్ ఫెల్ట్ నోట్ పోస్ట్ చేస్తూ ఎమోషనల్ అయ్యారు. ఇకపోతే తాజాగా సుశాంత్ ప్రియురాలు ప్రియా చక్రవర్తి సైతం తన ప్రియుని గుర్తు చేసుకుని ఎమోషనల్ పోస్ట్ చేశారు. ఈ సందర్భంగా రియా సోషల్ మీడియా వేదికగా ఆమె సుశాంత్ తో గడిపిన ఒక అద్భుతమైన క్షణాలకు సంబంధించిన ఫోటోలను షేర్ చేస్తూ సుశాంత్ ఆత్మకు శాంతి కలగాలని దేవుని ప్రార్థించారు.
సుశాంత్ సింగ్, రియా చక్రవర్తి కలిసి అవుటింగ్ కు వెళ్లినప్పటి ఫొటోలను అభిమానులతో పంచుకుంది ఈ క్రమంలోనే తనతో కలిసి ఉన్న ఫోటోలను షేర్ చేస్తూ.. ప్రతిరోజు నిన్ను మిస్ అవుతున్న అంటూ క్యాప్షన్ పెట్టారు. ఈ విధంగా నేడు తన ప్రియుని తలుచుకొని ఈమె అతనికి నివాళులు అర్పించారు. ఇకపోతే సుశాంత్ మరణించిన తర్వాత ఈ విషయం బాలీవుడ్ ఇండస్ట్రీలో చర్చనీయాంశంగా మారింది.
సుశాంత్ మరణానికి కారణం ఏమిటి అంటూ పెద్దఎత్తున పోలీసులు దర్యాప్తు చేసి చివరకు ఈ కేసును సిబీఐకి అప్పగించారు. ఈ కేసు విషయంలో సుశాంత్ ప్రియురాలు రియా చక్రవర్తి, ఆమె సోదరుడిని కూడా పోలీసులు అదుపులోకి తీసుకొని విచారించారు. అయితే సుశాంత్ మరణించి రెండేళ్లు పూర్తి అయిన ఇప్పటికీ సుశాంత్ మరణానికి కారణం తెలియక పోవడం గమనార్హం.
Most Recommended Video
అభిమాని టు ఆలుమగలు…అయిన 10 మంది సెలబ్రిటీల లిస్ట్..!
‘జల్సా’ టు ‘సర్కారు వారి పాట’.. బ్యాడ్ టాక్ తో హిట్ అయిన 15 పెద్ద సినిమాలు ఇవే..!
చిరు టు మహేష్..సినిమా ప్రమోషన్లో స్టేజ్ పై డాన్స్ చేసిన స్టార్ హీరోల లిస్ట్..!
