RAPO 23: ఎస్ జె సూర్య ప్లేస్లో జెనీలియా భర్త.. రామ్‌ను ఢీకొట్టే విలన్‌గా

ఎనర్జిటిక్ స్టార్ రామ్ పోతినేని కొన్నాళ్ళ నుండి సరైన హిట్టు లేక సతమతమవుతుంది. ‘ఇస్మార్ట్ శంకర్’ తర్వాత రామ్ చేసిన ‘రెడ్’ కమర్షియల్ గా ఓకే అనిపించినప్పటికీ.. అటు తర్వాత చేసిన ‘ది వారియర్’ ‘స్కంధ’ ‘డబుల్ ఇస్మార్ట్’ వంటి సినిమాలు దారుణంగా ఫ్లాప్ అయ్యాయి. బయ్యర్స్ కి ఈ సినిమాలు భారీ నష్టాలు మిగిల్చాయి. ఎన్నో ఆశలతో ‘ఆంధ్ర కింగ్ తాలూకా’ చేశాడు. అది బాగానే ఉన్నప్పటికీ రాంగ్ టైమ్లో రిలీజ్ అయిన కారణంగా బాక్సాఫీస్ వద్ద అనుకున్న ఫలితాన్ని అందుకోలేకపోయింది.

RAPO 23

అలా రామ్ ఆశించిన సక్సెస్ కూడా పెండింగ్లోనే పడినట్టు అయ్యింది. ఈసారి ఎలాగైనా హిట్టు కొట్టాలని భావించి యాక్షన్ ఎలిమెంట్స్ తో కూడిన సస్పెన్స్ థ్రిల్లర్ ఒకటి చేస్తున్నాడు. ‘RAPO 23′(RAPO 23) వర్కింగ్ టైటిల్ తో తెరకెక్కుతున్న ఈ చిత్రంలో హీరోగా నటించడంతో పాటు దర్శకత్వం కూడా వహిస్తున్నాడు రామ్.  ఇటీవల పుదుచ్చేరి శివార్లలో కొన్ని కీలక సన్నివేశాలు చిత్రీకరించారు. ఇదిలా ఉండగా.. ఈ సినిమాలో అత్యంత కీలక పాత్ర కోసం ఎస్ జె సూర్యని సంప్రదించారు.

అయితే ఈ పాత్ర చేసేందుకు అతను ఏకంగా రూ.8 కోట్ల వరకు డిమాండ్ చేశాడట. దీంతో నిర్మాతలు వెనకడుగు వేశారు. ఆ తర్వాత చాలా మందిని సంప్రదించారట. ఫైనల్..గా జెనీలియా భర్త రితేష్ దేశ్‌ముఖ్‌ని ఫైనల్ చేసినట్టు సమాచారం. గతంలో ‘రెడీ’ వంటి బ్లాక్ బస్టర్ మూవీలో రామ్,జెనీలియా జంటగా నటించారు. అప్పటి నుండి రామ్,జెనీలియా మధ్య ఫ్రెండ్షిప్ ఉంది. జెనీలియా గతేడాది వచ్చిన ‘జూనియర్’ తో సెకండ్ ఇన్నింగ్స్ స్టార్ట్ చేసింది. ఇప్పుడు ఆమె భర్త వంతు వచ్చింది.

 ఈ క్రమంలో జెనీలియా తన స్నేహితుడు రామ్ సినిమా ద్వారా రితేష్‌ని టాలీవుడ్..కి పరిచయం చేయబోతుందని స్పష్టమవుతోంది. మరి రితేష్ ఈ సినిమాతో తెలుగు ప్రేక్షకులను ఎంతవరకు ఆకట్టుకుంటాడో చూడాలి..!

అందుకు రావణుడిని అయ్యాను: యశ్‌ కామెంట్స్‌ వైరల్‌