అనుష్క చెల్లెలిగా రితికా సింగ్!

గ్లామర్ బేస్డ్ క్యారక్టర్లోనే కాకుండా యాక్షన్ బేస్డ్ కథల్లోనూ అనుష్క అద్భుతంగా నటించి అభినందనలు, అవార్డులు అందుకుంది. అరుంధతి, రుద్రమదేవి తో పాటు బాహుబలి లో స్వీటీ చేస్తున్న దేవసేన పాత్ర కూడా కత్తి పట్టి యుద్ధం చేసేదే. బాహుబలి కంక్లూజన్ లో ఆమె యాక్షన్ పార్ట్ చూడనున్నాం. ప్రస్తుతం చేస్తున్న భాగమతిలోను యాక్షన్ సీన్లలో అనుష్క అదరగొట్టనున్నట్లు సమాచారం. దీని తర్వాత  కూడా యాక్షన్ స్టోరీ కి సైన్ చేసినట్లు తెలిసింది. అయితే ఇందులో అనుష్కతో పాటు ఆమె చెల్లెలు కూడా సూపర్ గా ఫైట్స్ చేయాల్సి ఉందంట.

అందుకోసం ఎవరైతే బాగుంటుందని చిత్ర డైరక్టర్ పరిశీలించగా గురు సినిమాలో వెంకటేష్ శిష్యురాలిగా నటించిన రితికా సింగ్ సెట్ అవుతుందని డిసైడ్ అయ్యారు. వెంటనే ఆమెను సంప్రదించడం, ఓకే చెప్పడం జరిగిపోయాయి. తెలుగు, తమిళం భాషల్లో ఏకకాలంలో తెరకెక్కనున్న ఈ మూవీ తనకి మంచి గుర్తింపు తీసుకొస్తుందని రితికా సింగ్ ఎంతో నమ్మకంగా ఉంది. ఈ మూవీ డైరక్టర్, నిర్మాత విషయాలు త్వరలో బయటికి రానున్నాయి.

Also, do SUBSCRIBE to our YouTube channel to get latest Tollywood updates.