దర్శకుడు తరుణ్ భాస్కర్ కొత్త కథతో చేసిన తొలి ప్రయత్నం పెళ్లిచూపులు. జులై 29 న రిలీజ్ అయినా ఈ మూవీ యువతను విశేషంగా ఆకట్టుకుంటోంది. ఈ సినిమా మూడు రోజుల్లో రెండు కోట్ల కలక్షన్ వసూల్ చేసి సూపర్ హిట్ దిశగా దూసుకు పోతోంది. ఈ విజయాన్ని చిత్ర బృందం ఎంజాయ్ చేస్తోంది. ఈ సందర్బంగా పెళ్లి చూపుల హీరోయిన్ రీతూ వర్మ మంగళవారం సోషల్ మీడియా వేదికపై అభిమానులతో ముచ్చటించారు. పలు ఆసక్తికర ప్రశ్నలకు సమాధానాలు ఇచ్చారు.
ప్రస్తుతం తనకి తెలుగులో ఎక్కువ అవకాశాలు వస్తున్నాయని, ఇంకా ఏ చిత్రానికి సైన్ చేయలేదని స్పష్టం చేసారు. ఇప్పుడు తమిళంలో ఒక సినిమా చేస్తున్నట్లు వెల్లడించారు. నిజ జీవితంలో ఇప్పటివరకు తనకి పెళ్లిచూపులు జరగలేదని రీతూ చెప్పారు. ప్రస్తుతం పెళ్లి చేసుకునే ఆలోచన లేదని, సినిమాలపై దృష్టి పెట్టినట్లు తెలిపారు. నేటి దర్శకుల్లో ఎస్.ఎస్.రాజమోళి అంటే చాలా అభిమానమని, ఆయన సినిమాలో నటించే అవకాశం వస్తే ఎగిరి గంతేస్తానని మనసులోని మాటను బయటపెట్టారు. “పవర్ స్టార్ సినీ దేవుడు. అల్లు అర్జున్, జూనియర్ ఎన్టీఆర్ టాలెంటెడ్ ఆర్టిస్టులు. డ్యాన్స్ ఇరగదీస్తారు. నాకు ఇష్టమైన నటి అనుష్క శెట్టి. స్క్రిప్ట్ లు నచ్చితే లేడి ఓరియెంటెడ్ మూవీలతో పాటు, నెగటివ్ రోల్ చేయడం కూడా సవాలుగా స్వీకరిస్తాను ” అని రీతూ నెటిజనులు అడిగిన ప్రశ్నలకు ఓపికగా జవాబు ఇచ్చారు.
Home