‘పెళ్ళిచూపులు’ బ్యూటీకి మరో అవకాశం!

లఘు చిత్రాలతో కెరీర్ ఆరంభించి ‘బాద్ షా’,’ఎవడే సుబ్రమణ్యం’ వంటి చిత్రాల్లో నటించిన భామ రీతూవర్మ. రీసెంట్ గా ఈ భామ పూర్తి స్థాయి హీరోయిన్ గా పెళ్ళిచూపులు సినిమాలో నటించింది. ఈ సినిమాతో యూత్ లో రీతూకి మంచి క్రేజ్ ఏర్పడింది. దీంతో అవకాశాలు ఆమెను వెతుక్కుంటూ వస్తున్నాయి. అభిషేక్ పిక్చర్స్ సంస్థ ‘క్షణం’ సినిమా టీంతో ఓ సినిమా ప్లాన్ చేస్తున్నారు. దీనికి ‘గూఢాచారి’ అనే టైటిల్ ను కన్ఫర్మ్ చేశారు.

ఈ సినిమాలో అడివిశేష్ కు జంటగా ముందు ఆదా శర్మను అనుకున్నారు. కానీ ఇప్పుడు ఆదాను తప్పించి ఆమె స్థానంలోకి రీతూవర్మను తీసుకున్నట్లు తెలుస్తోంది. ఈ సినిమా మాత్రమే కాకుండా రీతూ మరో మూడు ప్రాజెక్ట్స్ కు ఓకే చెప్పినట్లు తెలుస్తోంది. మొన్నటివరకు చిన్న చిన్న పాత్రల్లో కనిపించిన రీతూ భవిష్యత్తు ‘పెళ్ళిచూపులు’ సినిమాతో ఒక్కసారిగా మారిపోయిందనే చెప్పాలి.