తమిళ డైరక్టర్ శంకర్ “ఐ” మూవీ తర్వాత చేస్తున్న 2.0 సినిమా షూటింగ్ పూర్తి చేసుకొని పోస్ట్ ప్రొడక్షన్ పనులను జరుపుకుంటోంది. ఆరేళ్లక్రితం రిలీజ్ అయి సంచలనం సృష్టించిన రోబో చిత్రానికి సీక్వెల్ గా వస్తున్న ఈ మూవీలోనూ సౌత్ ఇండియన్ సూపర్ స్టార్ రజనీకాంత్ శాస్త్రవేత్త వశీకరణ్ గా మరోమారు ప్రయోగాలు చేయనున్నారు. చిట్టి రోబోగాను అలరించనున్నారు. లైకా ప్రొడక్షన్స్ సంస్థ 450 కోట్లతో నిర్మిస్తోన్నఈ మూవీకి లీకుల గోల తప్పడం లేదు. కొన్ని రోజుల క్రితం ఇందులో విలన్ గా నటిస్తున్న అక్షయ్ కుమార్ ఫోటోలు లీకయ్యాయి. ఇప్పుడు హీరో, హీరోయిన్ల ఫోటోలు నెట్ లో చక్కర్లు కొడుతున్నాయి.
రజనీ రోబో అవతారంలో బస్సుని తోస్తుండగా.. అదే బస్సులో లేడీ రోబో అవతారంలో అమీ జాక్సన్ స్టీరింగ్ దగ్గర కూర్చొని ఉంది. ఈ రెండు ఫోటోలు ప్రస్తుతం వైరల్ అయ్యాయి. ఎన్ని జాగ్రత్తలు తీసుకున్నా స్టిల్స్ బయటికి వెళ్లడంతో శంకర్ టీమ్ అలర్ట్ అయింది. ఇక నుంచి సినిమా స్టిల్స్ లీక్ కాకుండా మరిన్ని జాగ్రత్తలు తీసుకుంటోంది. దేశవ్యాప్తంగా ఎదురుచూస్తున్న ఈ మూవీ వచ్చే ఏడాది భారీ ఎత్తున రిలీజ్ కానుంది.
Also, do SUBSCRIBE to our YouTube channel to get latest Tollywood updates.
Home