ఎప్పటికప్పుడు వెండితెరకు సరికొత్త అందాలను కొత్త హీరోయిన్ల రూపంలో పరిచయం చేయడంలో సిద్ధహస్తుడైన పూరీ జగన్నాధ్ అదే సమయంలో క్రూరమైన కొత్త విలన్స్ ను కూడా పరిచయం చేస్తుంటాడు. ఇలియానా, రక్షిత, అసిన్ లాంటి హీరోయిన్స్ ను తెలుగు తెరకు సరికొత్తగా పరిచయం చేసిన పూరీ.. బాలీవుడ్ ఆర్టిస్టులను పవర్ ఫుల్ విలన్స్ గానూ ఇంట్రడ్యూస్ చేశాడు. ఇప్పుడు అదే తరహాలో మరో బాలీవుడ్ నటుడ్ని తన కొత్త సినిమా “ఇస్మార్ట్ శంకర్”తో టాలీవుడ్ కి ట్రెండీ విలన్ గా పరిచయం చేస్తున్నాడు.
శంకర్ తెరకెక్కించిన “ఐ, రోబో 2.0” చిత్రాల్లో విలన్ గా నటించిన సుదాన్షు పాండే “ఇస్మార్ట్ శంకర్”లో విలన్ గా నటించనున్నాడు. క్రేజీ యాక్షన్ ఎంటర్ టైనర్ గా తెరకెక్కనున్న ఈ చిత్రంలో రామ్ ఓ టిపికల్ హీరోగా నటించనుండగా.. నిధి అగర్వాల్ కథానాయికగా ఎంపికైంది. మరో కథానాయికగా నభా నటేష్ ను ఫైనల్ చేసే పనిలో ఉన్నారు. ఆల్రెడీ రెగ్యులర్ షూటింగ్ మొదలెట్టిన పూరీ జగన్నాధ్ సమ్మర్ కానుకగా ఏప్రిల్ లేదా మేలో సినిమాని విడుదల చేయాలని ప్లాన్ చేస్తున్నాడట. కొంచెం గ్యాప్ తీసుకొని రామ్ చేస్తున్న మాస్ మసాలా సినిమా కావడం, పూరీ-రామ్ కాంబినేషన్ లో ఫస్ట్ సినిమా కావడంతో ఈ చిత్రంపై మంచి అంచనాలే ఉన్నాయి.
