Rocking Rakesh: రోజా ఇంట్లో సందడి చేసిన జబర్దస్త్ కమెడియన్ రాకింగ్ రాకేష్ జోర్దార్ సుజాత!

జబర్దస్త్ కమెడియన్లుగా ఎంతో మంచి పేరు సంపాదించుకున్న రాకింగ్ రాకేష్ జోర్దార్ సుజాత గురించి ప్రత్యేకంగా చెప్పాల్సిన పనిలేదు. వీరిద్దరూ జబర్దస్త్ కమెడియన్లుగా ఎంతో మంచి గుర్తింపు సంపాదించుకున్నారు. అయితే వీరిద్దరు త్వరలోనే పెళ్లి చేసుకోబోతున్నట్లు సుజాత తన యూట్యూబ్ ఛానల్ ద్వారా తెలియజేశారు. ఇక ఈ నెల చివరిలో వీరి నిచ్చితార్థం జరగగా వచ్చే నెలలో వీరి వివాహం జరగబోతున్నట్లు సుజాత వెల్లడించారు. ఇప్పటికే వీరిద్దరూ కలిసి ఇప్పటికే షాపింగ్ కూడా పూర్తి చేశారు.

ఇక వీరి నిశ్చితార్థ కోసం ఇప్పటికే తమ బంధువులందరికీ ఆహ్వానం అందజేస్తున్నారు. ఈ క్రమంలోనే మంత్రి రోజా గారిని కూడా ఆహ్వానించడానికి నగరి వెళ్లారు. ఇలా రాకేష్ సుజాత ఇద్దరు కూడా రోజా ఇంటికి వెళ్లే సమయానికి రోజా గారు ఏదో మీటింగ్ లో ఉండడం చేత రాకింగ్ రాకేష్ ఏ మాత్రం ఆలస్యం చేయకుండా ఏకంగా వంట గదిలోకి వెళ్లిపోయారు. ఇలా వంటింట్లోకి వెళ్లిన రాకింగ్ రాకేష్ వంట మనిషిగా మారిపోయి ఆలూ ఫ్రై స్వయంగా వండి పెట్టారు.

ఇక రోజా రాగానే అందరూ కలిసి భోజనం చేశారు. అనంతరం కాబోయే వధువుకి రోజా సర్ప్రైజ్ ఇచ్చారు. త్వరలోనే సుజాత పెళ్లికూతురు కానున్న నేపథ్యంలో రోజా తనకు సాంప్రదాయబద్ధంగా పట్టుచీరను సమర్పించారు. అనంతరం సుజాత రాకింగ్ రాకేష్ ని తన కారులో స్వయంగా తిరుపతికి తీసుకువెళ్లారు. ఇలా రోజా దగ్గరుండి రాకింగ్ రాకేష్ సుజాతకు స్వామివారి దర్శనం చేయించారు.

ఈ క్రమంలోనే ఈ విషయంపై రాకింగ్ రాకేష్ స్పందిస్తూ… మేడం మమ్మల్ని వెంకటేశ్వర స్వామి దర్శనం కోసం దగ్గరుండి తిరుపతి కొండకు తీసుకెళ్లడం ఎన్నో జన్మల అదృష్టం అంటూ మురిసిపోయాడు. ఇక ఈ వీడియోని రాకింగ్ రాకేష్ చంటబ్బాయ్ అనే యూట్యూబ్ ఛానల్ లో షేర్ చేయడంతో ఈ వీడియో కాస్త వైరల్ గా మారింది.

వీరసింహారెడ్డి సినిమా రివ్యూ & రేటింగ్!
వాల్తేరు వీరయ్య సినిమా రివ్యూ & రేటింగ్!

‘ఆంధ్రావాలా’ టు ‘అజ్ఞాతవాసి’ .. సంక్రాంతి సీజన్లో మర్చిపోలేని డిజాస్టర్ గా సినిమాల లిస్ట్..!
తలా Vs దళపతి : తగ్గేదేలే సినిమా యుద్ధం – ఎవరిది పై చేయి?