Rakesh , Sujatha: లండన్ బోనాల సెలబ్రేషన్స్ లో సందడి చేసిన రాకింగ్ రాకేష్ దంపతులు!

July 14, 2023 / 07:03 PM ISTByFilmy Focus

Join Us

Rakesh , Sujatha: లండన్ బోనాల సెలబ్రేషన్స్ లో సందడి చేసిన రాకింగ్ రాకేష్ దంపతులు!

జబర్దస్త్ కార్యక్రమం ద్వారా ఎంతో మంచి గుర్తింపు సంపాదించుకున్నటువంటి జోర్దార్ సుజాత, రాకింగ్ రాకేష్ ఫిబ్రవరి నెలలో వివాహం చేసుకున్న సంగతి మనకు తెలిసిందే. ఇలా వివాహం తర్వాత వీరిద్దరూ ఇండస్ట్రీలో ఎంతో బిజీగా ఉండడమే కాకుండా పలు కార్యక్రమాలను విదేశీ పర్యటనలకు వెళ్తున్నారు. ఇలా ఫారిన్ ట్రిప్ లో ఉన్నటువంటి ఈ జంట ఒకవైపు తమ ప్రొఫెషనల్ లైఫ్ కొనసాగించడమే కాకుండా మరోవైపు తమ పర్సనల్ లైఫ్ ఎంజాయ్ చేస్తూ ఉన్నారు.

ఈ క్రమంలోనే గత కొద్ది రోజుల క్రితం వరకు అమెరికా న్యూ జెర్సీలో సందడి చేసినటువంటి వీరు అక్కడ నాట్స్‌ కార్యక్రమం విజయవంతం తర్వాత రాకింగ్‌ రాకేశ్‌, జోర్దార్‌ సుజాత లండన్‌లో జరిగిన బోనాల ఉత్సవంలో పాల్గొన్నారు. ప్రస్తుతం ఈ బోనాల జాతరకు సంబంధించినటువంటి ఫోటోలు వీడియోలు సోషల్ మీడియాలో వైరల్ గా మారాయి. లండన్ లో వరంగల్ కు చెందిన ఎన్ఆర్ఐ ఫోరం గత పది సంవత్సరాలుగా బోనాల జాతరను నిర్వహిస్తున్నారు.

అయితే ఈ ఏడాది బోనాల పండుగను మరింత ఘనంగా నిర్వహించాలని ఏర్పాట్లు చేశారు. ఈ క్రమంలోనే ఈ కార్యక్రమానికి యాంకర్ గా జోర్దార్ సుజాతను ఆహ్వానించారు. ఈ క్రమంలోనే ఈ దంపతులు లండన్ బోనాల జాతరలో పాల్గొని పెద్ద ఎత్తున సందడి చేశారు. అలాగే రాకింగ్ రాకేష్ తన కామెడీతో మిమిక్రీతో అందరిని ఆకట్టుకున్నారు. ఈ కార్యక్రమం ఎంతో విజయవంతంగా పూర్తి చేయడంతో రాకేష్ ఏకంగా 2300 స్టేజి షోలను పూర్తి చేశారని చెప్పుకొచ్చారు.

ఇక ఈ కార్యక్రమం పూర్తి అయిన అనంతరం ఈ దంపతులు లండన్ లో పర్యటిస్తూ పెద్ద ఎత్తున సందడి చేస్తున్నారు.ఈ క్రమంలోనే ఈ లండన్ ట్రిప్ కి సంబంధించిన ఫోటోలు వీడియోలు వైరల్ అవుతున్నాయి. ఇక ఈ బోనాల కార్యక్రమంలో భాగంగా జోర్దార్ సుజాత కూడా బోనం ఎత్తడం విశేషం.ఇక ఈ కార్యక్రమానికి తమని ఆహ్వానించినందుకు వరంగల్ ఎన్ఆర్ఐ పోరంకు (Rakesh) రాకేష్ కృతజ్ఞతలు తెలియజేశారు.