బిగ్బాస్ హౌస్ నుంచి బయటికొచ్చాక చాలామందికి సరైన గుర్తింపు ఉండదు. ఒకటి రెండు రోజులు ఇంటర్వ్యూలు, పెయిడ్ ఇంటర్వ్యూలు, ముందుగా ఆ ఛానల్తో ఒప్పందం ప్రకారం షోలు లాంటివి ఉంటాయి. కొద్ది రోజుల తర్వాత అంతా నార్మల్ అయిపోతుంది. బిగ్బాస్ ఫేమ్ పెద్దగా కెరీర్లో ఉపయోగపడదు అని చెబుతుంటారు. విన్నర్, రన్నర్… తొలి వారం బయటకు వచ్చేసినవాళ్లు ఇలా ఎవరికైనా ఇదే పరిస్థితి అంటుంటారు. చాలామంది ఇంటి సభ్యులు కూడా ఇదే మాట చెబుతుంటారు. మొన్నటికి మొన్న పునర్నవి భూపాలం కూడా ఇదే మాట చెప్పింది. తాజాగా బిగ్బాస్ 3 కంటెస్టెంట్ రోహిణి కూడా అదే మాట అంది.
‘‘బిగ్బాస్ షోలో కనిపించడం వల్ల బయటికొచ్చాక అందరికీ పెద్దగా ఉపయోగం ఉండదు. అక్కడ ఉన్నన్ని రోజులు ప్రజలకు గుర్తుంటాం. ఆ తర్వాత బయట ఎక్కడైనా కనిపిస్తే… ‘బిగ్బాస్ చేసిన అమ్మాయి/అబ్బాయి రా’ అని ఓసారి గుర్తుపడతారు. బిగ్బాస్ వల్ల బాగా బాగుపడినవాళ్లు చాలా తక్కువమంది. ఒకరిద్దరికే ఆ షో ఫేమ్ ఉపయోగపడింది. ఎందుకంటే బిగ్బాస్ వల్ల కంటెస్టెంట్లు ఓవర్ ఎక్స్పోజ్ అయిపోతారు. రియాలిటీ బయటపడిపోతుంది’’ అంటూ షో ఫేమ్ గురించి చెప్పింది రోహిణి.
‘‘నా వరకు మూడో సీజన్ ఎక్కువ స్క్రీన్ స్పేస్ రాకపోవడం మంచిదైంది. నన్ను చాలామంది చూసి మీరు బిగ్బాస్ చేశారా అని అడుగుతుంటారు. ఒకవిధంగా నాకది మంచిదే. అలా అని బిగ్బాస్ హౌస్లో దాక్కోం కదా. అందరినీ చూపించరు అంతే. వాళ్లు చూపించాలి అనుకునేవాళ్లను మాత్రమే చూపిస్తారు. బయట ఎవరికీ తెలియని వ్యక్తి… బిగ్బాస్కి వెళ్లి అందరికీ తెలిస్తే ఉపయోగం. అదే అప్పటికే కాస్త ఇమేజ్ ఉన్నవాళ్లకైతే బిగ్బాస్లోకి వెళ్లడం ఇబ్బందే. ఇంటి లోపల మనం ఎలా ఉంటాం, ఏం చేస్తాం అనేది అందరికీ తెలిసిపోతుంది’’ అని చెప్పుకొచ్చింది రోహిణి.
Most Recommended Video
క్రాక్ సినిమా రివ్యూ & రేటింగ్!
ఈ 10 మంది సినీ సెలబ్రిటీలకు తల్లులు వేరైనా తండ్రులు ఒకరే..!
అల్లు అర్జున్ నుండి నాగ చైతన్య వరకు.. అందమైన స్టార్ కాపుల్స్.. సతీమణులే స్పెషల్ ఎట్రాక్షన్!
