తరుణ్ తల్లి క్లారిటీ ఇచ్చేసింది.. అసలు మేటర్ అదేనట..!

చైల్డ్ ఆర్టిస్ట్ గా 13 సినిమాల్లో నటించాడు తరుణ్. ఆ తరువాత చదువులు పూర్తి చేయడానికి కొంత కాలం సినిమాలకు దూరంగా ఉండి.. తిరిగి ‘నువ్వే కావాలి’ చిత్రంతో హీరోగా ఎంట్రీ ఇచ్చాడు. కె.విజయ భాస్కర్ డైరెక్షన్లో తెరకెక్కిన ఆ చిత్రం ఇండస్ట్రీ రికార్డులను తిరగరాసింది. ఆ తరువాత ఇతను నటించిన ‘ప్రియమైన నీకు’ ‘నువ్వు లేక నేను లేను’ ‘నువ్వే నువ్వే’ వంటి చిత్రాలతో స్టార్ హీరోగా ఎదిగాడు. అయితే తరువాత అతను నటించిన సినిమాలు సరిగ్గా ఆడలేదు.

‘కెరీర్ సరిగ్గా ప్లాన్ చేసుకుని ఉండి ఉంటే.. కచ్చితంగా తరుణ్ స్టార్ హీరోగా నిలబడుండే వాడని’ చాలా మంది విశ్లేషకులు చెబుతుంటారు. ఇది పక్కన పెడితే.. ‘దివంగత హీరోయిన్ ఆర్తి అగర్వాల్ తో తరుణ్ ప్రేమాయణం నడిపాడని.. ఇద్దరూ పెళ్లిచేసుకోబోతున్నారని’ అప్పట్లో పెద్ద ఎత్తున ప్రచారం జరిగింది. కానీ ఆ విషయాల పై ఎవ్వరికీ అంత క్లారిటీ లేదు. కానీ ఇటీవల తరుణ్ తల్లి రోజా రమణి ఆ విషయల పై క్లారిటీ ఇచ్చింది. తరుణ్ తల్లి రోజా రమణి మాట్లాడుతూ.. “ఆర్తి అగర్వాల్ ను నేను కేవలం రెండు సార్లు మాత్రమే కలిశాను.

ఆమె చాలా సైలెంట్ గా ఉండేది.అలాంటి అమ్మాయి సడన్ గా ఎందుకు ప్రాణ త్యాగానికి పాల్పడిందో నాకు అర్థం కాలేదు. నిజానిజాలు తెలుసుకోకుండానే.. ఆమె ప్రాణాలు తీసుకోవడానికి.. తరుణ్ కారణమని మీడియాలో వార్తలు పుట్టించారు. దానికి మేము చాలా బాధ పడ్డాము. తరుణ్ ఒకవేళ తనని ఇష్టపడి ఉంటే మాకు కచ్చితంగా చెప్పేవాడు.కానీ తరుణ్ మాకెప్పుడు ఆర్తి అగర్వాల్ ను ప్రేమించినట్టు చెప్పలేదు. అదంతా అసత్య ప్రచారం” అంటూ ఆమె చెప్పుకొచ్చింది.

Most Recommended Video

ఈ అద్దాల మేడల్లాంటి ఇల్లులు.. మన టాలీవుడ్ హీరోల సొంతం..!
సినిమా హీరోయిన్లకు ఏమాత్రం తీసిపోరు ఈ సీరియల్ హీరోయిన్స్ ..!
టాలీవుడ్ హీరోల భార్యలు.. మెట్టినింటికి తెచ్చిన కట్నాలు ఎంతెంతంటే..!