మొహమాటం లేకుండా బోయపాటికి తన నిర్ణయాన్ని చెప్పేసిందట..!

నందమూరి బాలకృష్ణ, కె.ఎస్.రవికుమార్ డైరెక్షన్లో తెరకెక్కుతోన్న ‘రూలర్’ చిత్రం డిసెంబర్ 20 న విడుదల కాబోతుంది. ఈ చిత్రం పూర్తయిన వెంటనే బోయపాటి శ్రీను డైరెక్షన్లో తన 106వ చిత్రం చేయడానికి రెడీ అవుతున్నాడు బాలయ్య. గతంలో వీరిద్దరి కాంబినేషన్లో వచ్చిన ‘సింహా’.. ‘లెజెండ్’ చిత్రాలు సూపర్ హిట్లుగా నిలిచాయి. దీంతో ఈ ప్రాజెక్ట్ పై భారీ అంచనాలు నెలకొన్నాయి. వీరిద్దరూ కచ్చితంగా హ్యాట్రిక్ హిట్ సాధిస్తారని అభిమానులు నమ్మకం వ్యక్తం చేస్తున్నారు.

ఇక ఈ చిత్రంలో ఓ పాత్ర కోసం సీనియర్ హీరోయిన్ అయిన రోజా ను అడిగినట్టు టాక్ నడుస్తున్నసంగతి తెలిసిందే. ‘ఆలోచించుకుని చెబుతాను’ అని ఆమె చెప్పడంతో… ఆమె ఈ చిత్రంలో నటించడం ఖాయం అనే ప్రచారం జరిగింది. దీనికి ఇటీవల తన ఫైనల్ డెసిషన్ ను బోయపాటికి చెప్పిందట రోజా. ‘బాలకృష్ణ సినిమాలో చేయడం నాకు అభ్యంతరం లేదు.. కానీ ఈ తరహా నెగిటివ్ పాత్ర చేయడం నాకు ఇష్టం లేదు’ అని చెప్పిందట. దీంతో బోయపాటి మళ్ళీ పవర్ఫుల్ పాత్ర కోసం ఎవరిని ఎంపిక చేసుకోవాలా అనే ఆలోచనలో పడినట్టు తెలుస్తుంది.

అర్జున్ సురవరం సినిమా రివ్యూ & రేటింగ్!
రాజా వారు రాణి గారు సినిమా రివ్యూ & రేటింగ్!