సూపర్ స్టార్ కృష్ణ గారు మంగళవారం నాడు తెల్లవారు జామున మరణించడంతో టాలీవుడ్లో విషాద ఛాయలు అల్లుకున్నాయి. ఆయన అభిమానులతో పాటు కుటుంబ సభ్యులు కూడా తీవ్ర మనోవేదనకు గురయ్యారు. నిన్న కృష్ణ గారి భౌతిక కాయాన్ని నానాక్రం గూడలోని ఆయన నివాసంలో ఉంచగా సినీ రాజకీయ నాయకులు విచ్చేసి ఆయనకు నివాళులు అర్పించారు. ఈరోజు ఆయన భౌతిక కాయాన్ని అంతిమయాత్ర నిమిత్తం పద్మాలయ స్టూడియో నుండి మహాప్రస్థానం కి తీసుకెళ్ళి అక్కడ అంత్యక్రియలు నిర్వహించడం జరిగింది.
ఇదిలా ఉండగా.. సినీ నటి, వైసీపీ మంత్రి అయిన రోజా కూడా కృష్ణ గారి కుటుంబంతో ఉన్న అనుబంధాన్ని గుర్తుచేసుకున్నారు. కృష్ణ గారితో పలు సినిమాల్లో హీరోయిన్ గా నటించిన ఆమె మహేష్ బాబు సినిమాల్లో నటించలేదు. ఒకవేళ మహేష్ బాబు సినిమాలో నటిస్తే అక్క పాత్ర పోషించాలని ఉంది అంటూ ఆమె చెప్పుకొచ్చింది. రోజా మాట్లాడుతూ.. “మహేష్ బాబు గారు చిన్నప్పటి నుండి నాకు ఇష్టం. అంటే నా చిన్నప్పటి నుండి కాదు, మహేష్ బాబు చిన్నప్పటి నుండి నాకు ఇష్టం.
సో నా లైఫ్ లో మహేష్ తో యాక్ట్ చేస్తే, ఆయనకు అక్క పాత్రలో నటించాలని ఉంది అని చాలా సందర్భాల్లో చెప్పాను. మహేష్ బాబుకి భగవంతుడు ఎందుకు ఇంత కష్టమిచ్చాడో అర్ధం కాలేదు. ఎందుకంటే.. ఏ మనిషైనా కూడా ఒక విషాదాన్నే భరించలేడు. అలాంటిది ఒక సంవత్సరంలో మహేష్ కు మూడు విషాదాలు ఇచ్చాడు దేవుడు. తన అన్న రమేష్ బాబుని పోగొట్టుకున్నాడు,తల్లి ఇందిర గారిని పోగొట్టుకున్నాడు ఇప్పుడు కృష్ణ గారిని కూడా పోగొట్టుకున్నాడు.
మహేష్ బాబుది చాలా సాఫ్ట్ నేచర్. ఏది కూడా బయటకు చెప్పుకోలేడు. అలాంటి వ్యక్తి తనలో తాను ఎంత కుమిలిపోతున్నాడో అర్థమవుతుంది. కచ్చితంగా భగవంతుడు ఆశీస్సులు ఆ కుటుంబానికి ఉండాలి. ఇండస్ట్రీ అండ కూడా ఆ కుటుంబానికి ఉంటుంది అని అర్థమవుతుంది. అలాగే వై.ఎస్.రాజశేఖర్ రెడ్డి గారికి, జగన్ గారికి ఆ కుటుంబంతో ఎంత బాండింగ్ ఉందో కూడా మనందరికీ తెలుసు.జగన్ గారితో కూడా మహేష్… ఎంత ఫ్రెండ్లీగా ఉంటాడో అందరికీ తెలుసు. కాబట్టి మా పార్టీ అండదండలు కూడా కృష్ణ గారి కుటుంబానికి ఉంటుంది నేను చెబుతూ ఉన్నాను” అంటూ చెప్పుకొచ్చారు.
యశోద సినిమా రివ్యూ& రేటింగ్!
సరోగసి నేపథ్యంలో వచ్చిన సినిమాలు ఏంటంటే..?
‘కె.జి.ఎఫ్’ టు ‘కాంతార’..బాక్సాఫీస్ వద్ద అత్యధిక కలెక్షన్లు రాబట్టిన కన్నడ సినిమాల లిస్ట్..!
నరేష్ మాత్రమే కాదు ఆ హీరోలు కూడా భార్యలు ఉన్నప్పటికీ హీరోయిన్లతో ఎఫైర్లు నడిపారట..!
