ఈ మధ్యకాలంలో పెద్ద పెద్ద సినిమాలే నెల, రెండు నెలల్లో ఓటీటీల్లోకి వచ్చేస్తున్నాయి. అలాంటిది ఓ మీడియం బడ్జెట్ సినిమా ఎనిమిది నెలల తరువాత ఓటీటీలోకి వస్తుండడం విచిత్రంగా ఉంది. గతేడాది విడుదలైన ‘పెళ్లి సందడి’ సినిమా ఇప్పుడు ఓటీటీలోకి రాబోతుంది. రాఘవేంద్రరావు పర్యవేక్షణలో గౌరీ రోణంకి దర్శకత్వంలో శ్రీకాంత్ వారసుడు రోషన్ హీరోగా నటించిన సినిమా ఇది. ఈ సినిమాతోనే శ్రీలీల హీరోయిన్ గా పరిచయమైంది. ఫ్యామిలీ ఆడియన్స్ ను టార్గెట్ గా చేసుకొని తెరకెక్కించిన ఈ సినిమా పెద్దగా ఏం ఆడలేదు.
జరిగిన బిజినెస్ కి థియేటర్లలో డబ్బులు బాగానే వచ్చాయి కానీ చూసిన వాళ్లెవరూ అంత బాగుందని చెప్పిన దాఖలాలు లేవు. నిజానికి ఈ సినిమా చూడని వారి సంఖ్య కూడా భారీగానే ఉంది. ఓటీటీలో చూద్దామంటే నెలలు గడుస్తున్నా.. ఎంతకీ రావడం లేదు. టీవీ ఛానెల్ లోనూ ఈ సినిమా ఊసు లేదు. ముఖ్యంగా కీరవాణి పాటలు, శ్రీలీల గ్లామర్ షోని చిన్న తెరపై ఎంజాయ్ చేద్దామనుకునే వారికి నిరాశే మిగిలింది.
ఎట్టకేలకు వారి ఎదురుచూపులు ఫలించి ఈ శుక్రవారం నుంచి స్ట్రీమింగ్ చేయబోతున్నారు. నిజానికి ఇంత లేట్ గా ప్రీమియర్స్ అంటే ఎవరూ పట్టించుకోరు కానీ ఈ సినిమా ఓటీటీ రిలీజ్ అనౌన్స్ చేయగానే సోషల్ మీడియాలో చెప్పుకోదగ్గ రియాక్షన్లే కనిపించాయి. ఈ సినిమా ఇంత ఆలస్యంగా ఓటీటీలో రిలీజ్ చేయడానికి కారణం ఏంటంటే.. ‘పెళ్లి సందడి’ టీమ్ అడిగిన రేట్ కి ఓటీటీలు ఒప్పుకోలేదు.
దాంతో చర్చలతోనే పుణ్యకాలం గడిచిపోయింది. యూట్యూబ్ లో వీడియో సాంగ్స్ మాత్రం హల్చల్ చేశాయి. డిమాండ్ ఉన్నప్పుడే సినిమాను అమ్ముకోవాలి. లేదంటే సామాన్య ప్రేక్షకుల్లో ప్రీమియర్స్ పట్ల ఆసక్తి తగ్గిపోతుంది.
Most Recommended Video
‘ఆర్.ఆర్.ఆర్’, ‘అంటే..’ తో పాటు ఎక్కువ నిడివితో వచ్చిన లేటెస్ట్ సినిమాల లిస్ట్..!
‘2.0’ టు ‘విక్రమ్’ తమిళ్ లో భారీ కలెక్షన్లు రాబట్టిన 10 సినిమాల లిస్ట్..!
ఎన్టీఆర్, నాగ చైతన్య.. టు కీర్తి సురేష్, ‘గుండమ్మ కథ’ రీమేక్ కు సూట్ అయ్యే 10 మంది స్టార్లు..!
