Ray Stevenson: ఆర్.ఆర్.ఆర్ అభిమానులకు బ్యాడ్ న్యూస్.. స్కాట్ దొర ఇక లేరు..!

సినీ పరిశ్రమలో విషాదాల సంఖ్య పెరుగుతూనే ఉంది.ఈ నెలలో వనిత విజయ్ కుమార్ మాజీ భర్త పీటర్ పాల్ అలాగే ఢీ కొరియోగ్రాఫర్ చైతన్య, సంగీత దర్శకుడు ఇళయరాజా సోదరుడి కొడుకు వంటి వారు ఇటీవల మరణించారు. అలాగే బాలీవుడ్ స్టార్ హీరో ఆయుష్మాన్ ఖురానా తండ్రి అలాగే ప్రముఖ జ్యోతిష్యుడు అయిన వీరేంద్ర ఖురానా అలియాస్ పి.ఖురానా కూడా మరణించారు. నిన్న సీనియర్ నటుడు శరత్ బాబు కూడా మరణించడంతో టాలీవుడ్లో విషాద ఛాయలు అల్లుకున్నాయి. మరోపక్క బెంగాలీ నటి సుచంద్ర దాస్‌గుప్తా ఘోర రోడ్డు ప్రమాదంలో మృతి చెందింది. ఈ షాకింగ్ న్యూస్ ల నుండీ సినీ పరిశ్రమ ఇంకా కోలుకోక ముందే ఆర్.ఆర్.ఆర్ సినిమా కూడా విలన్ మరణించడం అందరినీ విషాదంలోకి నెట్టేసినట్టు అయ్యింది.

ఆర్.ఆర్.ఆర్ సినిమాలో స్కాట్ గవర్నర్ గా నటించిన స్టీవెన్ సన్ అనారోగ్య కారణాల వల్ల మరణించారు. ఇటలీలో ఇశ్చియా ద్వీపకల్పంలో క్యాసినో అనే చిత్రం షూటింగ్ లో పాల్గొంటున్న టైంలో ఆయన అస్వస్థతకి గురయ్యారు.దీంతో హుటాహుటిన ఆయన్ను హాస్పిటల్ లో చేర్చినప్పటికీ.. ఫలితం లేకపోయింది. కొద్దిరోజుల్లోనే ఆయన చికిత్స పొందుతూ మరణించారు. ఈయన ఆత్మకు శాంతి చేకూరాలని సినీ పరిశ్రమకు చెందిన సెలబ్రిటీలు కామెంట్లు పెడుతున్నారు.

ఇక ఆర్.ఆర్ ఆర్ చిత్రంలో ఈయన బుల్లెట్ విలువ గురించి చెబుతూ చేసే వయోలెన్స్ అందరినీ ఆకట్టుకుంటుంది. చివర్లో రామ్ – భీమ్ లు .. అదే బుల్లెట్ ను గుండెల్లో దాచుకోమని చెప్పి తుపాకీ తో కాల్చే సీన్ లో స్టీవెన్ సన్ అద్భుతంగా నటించారు.