దర్శకధీరుడు రాజమౌళి డైరెక్షన్ లో తెరకెక్కుతున్న ఆర్ఆర్ఆర్ సినిమాలో ప్రేక్షకులతో విజిల్ వేయించే సన్నివేశాలు ఎక్కువగానే ఉన్నాయని తెలుస్తోంది. రాజమౌళి తండ్రి విజయేంద్ర ప్రసాద్ ఇప్పటికే చరణ్ ఎన్టీఆర్ మధ్య వచ్చే ఫైట్ ప్రేక్షకులకు కన్నీళ్లు తెప్పించే ఉంటుందని చెప్పిన సంగతి తెలిసిందే. అయితే ఈ సినిమా ఫస్ట్ హాఫ్ లో ఒక రెయిన్ ఫైట్ ఉంటుందని ఆ ఫైట్ సినిమాకు హైలెట్ కానుందని సమాచారం. పది భాషల్లో విడుదల కానున్న పాన్ ఇండియా మూవీ ఆర్ఆర్ఆర్ గురించి వైరల్ అవుతున్న వార్తలు సినిమాపై అంచనాలను అంతకంతకూ పెంచుతున్నాయి.
ఈ రెయిన్ ఫైట్ కూడా చరణ్ తారక్ మధ్య ఉంటుందని వార్తలు వస్తుండగా ఈ ఫైట్ విజయేంద్ర ప్రసాద్ చెప్పిన ఫైటేనా..? కాదా..? తెలియాల్సి ఉంది. వేర్వేరు లక్ష్యాలు ఉన్న కొమురం భీమ్, అల్లూరి సీతారామరాజు ఒకే లక్ష్యం కోసం పని చేసే కథతో ఆర్ఆర్ఆర్ తెరకెక్కుతోందని తెలుస్తోంది. ప్రముఖ నిర్మాత డీవీవీ దానయ్య ఈ సినిమాను భారీ బడ్జెట్ తో నిర్మిస్తున్నారు. అక్టోబర్ 13వ తేదీనే ఆర్ఆర్ఆర్ రిలీజయ్యే అవకాశాలు కనిపిస్తున్నాయి.
రెండు పాటల షూటింగ్ మాత్రమే బ్యాలెన్స్ ఉండటంతో ఆర్ఆర్ఆర్ మూవీ వాయిదా పడే అవకాశాలు అయితే లేవని తెలుస్తోంది. ఆర్ఆర్ఆర్ పోస్ట్ ప్రొడక్షన్ పనులు కూడా వేగంగా జరుగుతున్నాయని సమాచారం. అలియా భట్, ఒలీవియా మోరిస్ ఈ సినిమాలో హీరోయిన్లుగా నటిస్తుండగా హీరోయిన్ల పాత్రలకు సినిమాలో ప్రాధాన్యత తక్కువగానే ఉంటుందని తెలుస్తోంది.
Most Recommended Video
విజయేంద్ర ప్రసాద్ గారి గురించి 10 ఆసక్తికరమైన విషయాలు..!
ఈ 10 స్పీచ్ లు వింటే ఈ స్టార్లకు ఫ్యాన్స్ అయిపోతారు అంతే..!
నయన్, అవికా టు అలియా.. డేటింగ్ కి ఓకే పెళ్ళికి నొ అంటున్న భామలు..!
