‘ఆర్.ఆర్.ఆర్’ మూవీ షూటింగ్ మొదలయ్యి దాదాపు 3 నెలలు కావస్తున్నప్పటికీ ఇంకా హీరోయిన్ల విషయంలోనూ మిగిలిన నటీనటుల విషయంలోనూ ఎటువంటి క్లారిటీ ఇవ్వలేదు రాజమౌళి. అసలు ఈ చిత్రంలో హీరోయిన్లు ఎవరా అని… అటు చరణ్ అభిమానులు ఇటు ఎన్టీఆర్ అభిమానులు ఎంతో ఆసక్తిగా ఎదురుచూస్తున్నారు. ఒక పక్క చరణ్ కి బాలీవుడ్ భామ అలియా భట్ జోడిగా నటిస్తుందని వార్తలు వచ్చాయి. అయితే ఎన్టీఆర్ కి జోడి ఎవరనేది పెద్ద చర్చనీయాంశం అయ్యింది.
అందుతున్న సమాచారం ప్రకారం ఓ ఫారిన్ మోడల్ ని తీసుకోబోతున్నారని టాక్ నడుస్తుంది. అయితే అది ఎంత వరకూ నిజమనిది ఖచ్చితంగా చెప్పలేం. చరణ్ కోసం బాలీవుడ్ బ్యూటీని తీసుకుంటూ తారక్ కి ఇలా ఫారిన్ అమ్మాయిని తీసుకోవడం పై ఎన్టీఆర్ ఫ్యాన్స్ అసంతృప్తి చెందుతున్నారట. కథ ప్రకారం ఎన్టీఆర్ పక్కన ఫారిన్ అమ్మాయి ఉండాలని జక్కన్న అనుకుంటున్నాడట. అయితే ఫ్యాన్స్ మాత్రం మా హీరో పక్కన ఇండియన్ బ్యూటీ ఉండాల్సిందే అని వాళ్ళు కోరుకుంటున్నారట. మరి చివరికి ఏం జరుగుతుందో చూడాలి.
Home