విజయ్‌ దేవరకొండతో (Vijay Devarakonda) రుక్మిణీ వసంత్‌ (Rukmini Vasanth) ఓ సినిమా చేస్తుంది అంటూ గత కొన్ని రోజులుగా వార్తలు వస్తున్నాయి. విజయ్‌ సినిమా కోసం ఆమెను సంప్రదించారు అంటూ చాలా రోజులుగా వింటూనే ఉన్నాం. మొన్నీమధ్య వరకు గౌతమ్‌ తిన్ననూరి సినిమా కోసమేమో అని అనుకున్నారంతా. అయితే ఆ సినిమా కోసం కాదు అని ఇటీవల తేలింది. ఎందుకంటే ఆ సినిమా కోసం వేరే హీరోయిన్‌ను ఓకే చేశారు. దీంతో రుక్మిణీ వసంత్‌ ఇక విజయ్‌తో నటించదా? అనే ప్రశ్న మొదలైంది.
అయితే విజయ్‌ – రుక్మిణీ కాంబో ఇక కుదరదా అనే చర్చకు ఫుల్‌స్టాప్‌ పడేలా ఉంఇ. ఎందుకంటే ఓ ప్రాజెక్ట్‌ ఓకే చేశారట. ప్రస్తుతంం గౌతమ్‌ తిన్ననూరి (Gowtam Naidu Tinnanuri) సినిమా పనుల్లో బిజీగా ఉన్న విజయ్‌ దేవరకొండ ఆ తర్వాత రాహుల్‌ సాంకృత్యాన్ (Rahul Sankrityan) , రవికిరణ్‌ కోలా (Ravi Kiran Kola) దర్శకత్వాల్లో వరుసగా సినిమాలు చేయనున్నాడు. వీటి ప్రీ ప్రొడక్షన్‌, కాస్టింగ్‌ పనులు ప్రస్తుతం జోరుగా సాగుతున్నాయట. ఈ క్రమంలో రవికిరణ్‌ కోలా సినిమా గురించి ఆసక్తికర విషయం బయటకు వచ్చింది.
ఈ సినిమాలో విజయ్‌ దేవరకొండకు జోడీగా ‘సప్త సాగరాలు దాటి’ (Sapta Sagaralu Dhaati) ఫేమ్‌ రుక్మిణీ వసంత్‌ను తీసుకున్నారు అని సమాచారం. ప్రస్తుతం ఆమెతో చర్చలు జరుగుతున్నాయని, దాదాపుగా పాజిటివ్‌ రిజల్ట్‌ రావొచ్చు అని చెబుతున్నారు. స్క్రిప్ట్‌ విషయంలో రుక్మిణి సానుకూలంగా ఉందని భోగట్టా. గ్రామీణ నేపథ్యంలో సాగే రొమాంటిక్‌ యాక్షన్‌ ఎంటర్‌టైనర్‌గా ఈ సినిమా ఉండబోతుందట. అన్నీ అనుకున్నట్లుగా జరిగితే వచ్చే ఏడాది ఫస్టాఫ్‌లో సినిమా సెట్స్‌పైకి వెళ్తుందట. ఈ సినిమాను దిల్‌ రాజు నిర్మిస్తున్నారు.
వరుస విజయాలు అందుకునే క్రమంలో విజయ్‌కి ఈ మధ్య ఏదీ పెద్దగా కలసి రావడం లేదు. ‘లైగర్‌’ (Liger) అలా పోగా, ‘ఫ్యామిలీ స్టార్‌’ (Family Star) ఫలితం పెద్దగా రుచించలేదు. మరి ఈ సినిమాలు ఏమన్నా తిరిగి విజయ్‌ను హిట్‌ ట్రాక్‌ ఎక్కిస్తాయేమో చూడాలి. అప్పుడైనా విజయ్‌తో నటించిన హీరోయిన్లు ఇక్కడ ఇంకొన్నాళ్లు ఉంటారు.
Home