బాలీవుడ్‌లో పెద్దగా ప్రచారం లేకుండా… పెళ్లికి సిద్ధమైపోయిన లవ్‌ బర్డ్స్‌ విక్కీ కౌశల్‌, కట్రినా కైఫ్‌. ‘ఏంటీ పెళ్లట కదా’ అని అడిగితే… ‘ఎవరు చెప్పారు మీకు… ఏమన్నా ఉంటే మేమే చెబుతాం’ అంటూనే పెళ్లి పనులు చేసేసుకుంంది జంట. మొన్నీ మధ్యే ఎంగేజ్‌మెంట్‌ కూడా అయిపోయింది. వచ్చే నెల మొదటి వారంఓల పెళ్లికి కూడా సిద్ధమవుతున్నారు. అతికొద్ది మంది బంధువులు, సన్నిహితుల మధ్య ఈ వేడుక నిర్వహిస్తున్నారట. ఈ నేపథ్యంలో కొన్ని ముందు జాగ్రత్తలు తీసుకుంటున్నారట.
ముందుగా చెప్పుకున్నట్లు విక్కీ – కట్రినా పెళ్లి విషయంలో ఇప్పటివరకు ఎలాంటి అధికారిక ప్రకటన వెలువడలేదు. అయితే డిసెంబర్‌ 7 నుండి 9 వరకు రాజస్థాన్‌లోని సిక్స్‌ సెన్సెస్‌ ఫోర్ట్‌ వేదికగా ఈ వివాహం జరుగుతుందని మాత్రం వార్తలొస్తున్నాయి. కుటుంబసభ్యులు, అత్యంత సన్నిహితుల సమక్షంలోనే ఈ వేడుక జరగనుందట. పెళ్లికి సంబంధించి ఎలాంటి ఫొటోలు, వీడియోలు బయటకు రాకుండా ఉండేందుకు విక్కీ, కట్రినా కొన్ని కఠిన నియమాలు విధిస్తున్నారట. ఇప్పటికే వెడ్డింగ్‌ కార్డులు అందుకున్నవారికి ఈ విషయం చెప్పేశారట.
పెళ్లి ఫొటోలు, వీడియోలు బయటకు లీక్ కావడం విక్కీ – కట్రినాకు ఇష్టం లేదని.. అందుకే పెళ్లికి ఎవ్వరూ ఫోన్లు తీసుకురావొద్దని కోరారని సన్నిహితులు చెబుతున్నారు. ఇప్పటికే ఈ విషయంలో పెళ్లి వేడుక ఆర్గనైజర్లకు కూడా ఈ విషయంలో స్పష్టమైన సూచనలు చేశారట. శుభకార్యం దగ్గరపడుతుండటంతో ఈ జంట గత కొన్నిరోజుల నుండి షాపింగ్‌, ఇతర పనుల్లో బిజీగా ఉందట. గతంలో ఇంత కష్టపడి కంట్రోల్‌ చేసినా కొంతమంది సెలబ్రిటీల పెళ్లి ఫొటోలు, వీడియోలు బయటకు వచ్చేశాయి. ఇప్పుడేం జరుగుతుందో చూద్దాం.
Most Recommended Video
టాలీవుడ్ ప్రేక్షకులను అలరించిన 10 సైన్స్ ఫిక్షన్ మూవీస్ ఇవే..!
ప్రకటనలతోనే ఆగిపోయిన మహేష్ బాబు సినిమాలు ఇవే..!
ఈ 15 మంది హీరోయిన్లు విలన్లుగా కనిపించిన సినిమాలు ఏంటో తెలుసా..?
