Balakrishna: స్టార్ హీరో బాలయ్య విషయంలో ఈ ప్రచారం నిజమవుతుందా?

స్టార్ హీరో నందమూరి బాలకృష్ణ (Balakrishna) హిందూపురం నియోజకవర్గం నుంచి మూడుసార్లు పోటీ చేసి మూడుసార్లు ఆశించిన ఫలితాలను సొంతం చేసుకోవడం జరిగింది. రాజకీయాల్లో హ్యాట్రిక్ సాధించిన బాలయ్యకు మంత్రి పదవి ఖాయమని ప్రచారం జరుగుతోంది. సినిమాటోగ్రఫీ మినిష్టర్ పదవి బాలయ్యకు దక్కే అవకాశం ఉందని ఇండస్ట్రీ వర్గాల్లో వినిపిస్తుండగా ఆ ప్రచారం నిజమో కాదో మరికొన్ని గంటల్లో తేలిపోనుంది. బాలయ్యను మంత్రిగా చూడాలని ఆయన అభిమానులు మాత్రం మనస్పూర్తిగా కోరుకుంటున్నారు.

టీడీపీ నుంచి హ్యాట్రిక్ సాధించిన ఎమ్మెల్యేలు తక్కువ సంఖ్యలో ఉండటంతో బాలయ్యకు పదవి సులువుగానే దక్కే ఛాన్స్ ఉంటుంది. అయితే పదవి విషయంలో బాలయ్య మనస్సులో ఏముందో తెలియాల్సి ఉంది. రాజకీయాల కంటే సినిమాలపై ఎక్కువగా దృష్టి పెడుతున్న బాలయ్య పదవి కావాలంటారో వద్దని నిర్ణయం తీసుకుంటారో తెలియాల్సి ఉంది. మరోవైపు బాలయ్య బాబీ (Bobby) కాంబో మూవీ షూటింగ్ 50 శాతం పూర్తైందని తెలుస్తోంది.

సితార ఎంటర్టైన్మెంట్ నిర్మాతలు త్వరలో ఈ సినిమా రెగ్యులర్ షూటింగ్ ను మొదలుపెట్టనున్నారని ఈ సినిమా షూటింగ్ ను వీలైనంత వేగంగా పూర్తి చేసి అఖండ (Akhanda) సీక్వెల్ షూటింగ్ తో బాలయ్య బిజీ కానున్నారని సమాచారం అందుతోంది. వరుసగా క్రేజీ ప్రాజెక్ట్స్ లో నటిస్తుండటం బాలయ్యకు ప్లస్ అవుతోంది. నందమూరి బాలకృష్ణ పాలిటిక్స్, సినిమా రంగంలో మరిన్ని విజయాలతో మరింత సత్తా చాటాలని ఫ్యాన్స్ ఫీలవుతున్నారు.

తన సినిమాలలో మాస్ అంశాలు ఉంటూనే ఇతర భాషల ప్రేక్షకులను సైతం మెప్పించే కథలపై బాలయ్య దృష్టి పెట్టాల్సిన అవసరం అయితే ఉందని చెప్పవచ్చు. బాలయ్య పుట్టినరోజు కానుకగా కొత్త ప్రాజెక్ట్ లను మాత్రం ప్రకటించకపోవడం గమనార్హం. బాలయ్య దర్శకులకు పూర్తి స్వేచ్ఛనిస్తూ విజయాలను సొంతం చేసుకుంటూ ప్రశంసలు అందుకుంటున్నారు. యంగ్, టాలెంటెడ్ డైరెక్టర్లకు బాలయ్య ఎక్కువగా ఛాన్స్ ఇస్తున్నారు.